أفضل 5 أماكن للمشي بالرياض

مع بداية دخول الشتاء وتحسن الأجواء خصوصًا بالليل قررنا نصمم لكم قائمة بأفضل 5 أماكن تقدر تمارس فيها رياضة المشي أو الهرولة في الرياض، وكانت معاييرنا بالإختيار مبنية على أن يكون أغلب زوار هذه الأماكن جايين لنفس السبب إضافة إلى طبيعة المكان والهدوء.. ما بطول عليكم وخلوكم معانا.

وادي حنيفة

يُعتبر وادي حنيفة من أبرز الوجهات لممارسة الرياضة في الرياض بحيث يتوافدون له محبين الجري والمشي وراكبين الدراجات وغيرهم من الرياضات الهوائية،  يمتد الوادي بطول 80 كم ويوفر مسارات مخصصة للمشي بين المناظر الطبيعية الخلابة وأشجار النخيل إضافة إلى قنوات المياه الهادئة التي تعطي أجواء منعشة ومثالية للرياضة.

موصى به

لفتة جميلة من النادي الأهلي تجاه مشجعيهصب واي تدخل موسوعة غينيس للأرقام القياسيةأفضل 5 أماكن للمشي بالرياض

حديقة الملك عبدالله

الحديقة في حي الملز بالرياض وتُعتبر من الحدائق العامة المميزة بالرياض بمساحتها الواسعة جدًا ومساراتها المخصصة للمشي، تتميز الحديقة بوجود مساحات خضراء شاسعة وأماكن جلوس مريحة وخدمات متنوعة وهذا يخليها مثالية للنشاط الرياضي في أجواء عائلية هادئة.

حديقة الوطن

حديقة الوطن ماهي بعيدة من حديقة الملك عبدالله وكلهم بالملز بس اللي خلانا نضيفها هو الجو التاريخي اللي فيها وهذا بسبب وجودها بمنطقة المربع عند قصر المربع التاريخي عشان كذا هي وجهة مثالية للي يبي يمشي مع أصدقاءه أو عائلته.

ممشى مدينة مسك بعرقة

مدينة الأمير محمد بن سلمان غير الربحية مازالت تحت البناء ولكن ممشى الدينة مفتوح من مدة وقبل فترة ماهي بعدية فتحوا مسار جديد فيه بيخليك تدخل بجزء من المدينة ما بين مدارس وبعض مباني جامعة مسك، الممشى جميل جدًا ولو برشح لك واحد من القائمة بيقع الإختيار عليه بكل إستحقاق، يهمك تعرف أن الممشى يوفرلك مسارات مهيأة للمشاة والدراجات ايضًا إضافة لأماكن للراحة.

@yazeedalhu #ممشى_الرياض#اماكن_الرياض #اكسبلور ♬ original sound

حديقة المعالم

اخيرًا إذا كنت تبحث عن تجربة مشي فريدة تمارس فيها رياضتك وتشوف فيها معالم ومجسمات فحديقة المعالم هي الوجهة الأمثل بحيث انها تجمع لك بين المسارات المخصصة للمشي والمجسمات العالمية، وهذا يُضفي طابع مميز أثناء ممارستك للرياضة، إضافة إلى لضمها مرافق خدمية.

عرضنا في هذي القائمة بعض الأماكن البارزة اللي تقدر تمارس فيها الرياضات الهوائية وهذا ما يعني أنها هي الأفضل، عشان كذا لو تشوف أ فيه مكان يستاهل أنه يكون بالقائمة شاركه معانا على هاشتاق #Lovinsaudi.💚