مع دخولنا الإجازة الصيفية صار عندك كمية كبيرة من وقت الفراغ وطبيعي أول كم يوم تكون مبسوط بالحرية لكن الصدق بعد فترة تلاحظ الطفش يتغلغل داخلك وما تدري كيف تتخلص منه، عشان كذا بنعطيك بعض الأفكار والجداول اللي ممكن تغير نفسيتك وتخليك إنسان مبسوط.

تابع مسلسلك بطريقة مختلفة

أكيد المسلسلات والأفلام أفكار طرت على بالك ويمكن تكون طفشت منها بعد، بس ليه ما تجرب تتابعها مع أحد من اللي يعزون عليك مو شرط تطلع من بيتك كل اللي تحتاجه برنامج محادثات تسولف فيه مع أحد وتعدون إلى ٣ وتشغلون الفيلم أو المسلسل بتكون بتكون تجربة رهيبة.

موصى به

ألذ مقلقل في الرياضأفضل 5 مولات للمشي بالرياضجبال بركانية في السعودية!

جرب أشياء جديدة

لو تلاحظ السنوات الأولى من حياتك مفهوم الوقت وطريقة مرور الزمن كانت مختلفة بالنسبة لك، تدري ليه لأنك كنت تجرب كل شيء لأول مره والطريقة هذه تعطيك شعور إن حياتك مليانه أحداث ويجيك شعور بطئ الوقت، والحين أغلب الأشياء اللي تسويها تكون مارستها قبل كثير وتلاحظ السنين تمشي أسرع من ما تعودت، عشان كذا جرب تطبخ أو تخبز وممكن تسوي مشروبات أو حتى تستأجر سيكل وممكن تصبغ غرفتك وترتبها، الحياة مليانه تجارب وأشياء أنت ما سويتها أختار لك طريق وتوكل على الله.

حقق هدفك

كلنا عندنا هدف معين في الحياة إذا تقدر تحققه في الإجازة اسعى له وإذا لا طور نفسك في جوانب تساعدك توصل للهدف حقك، إذا أكتشفت أن ما عندك هدف في الحياة لا تخاف جرب تدخل مجالات كثير مثل ما قلنا في النقطة اللي قبل ومع التجارب بتعرف المجال اللي تحبه وممكن تنبت فكرة الهدف في مخك وقتها.

جرب ما تجرب

التجارب والأمور الترفيهية شيء جميل للمزاج والراحة النفسية بس للمعلومية عادي ترتاح لك يوم أو يومين وما تسوي ولا شيء فيها بس مهم أنك تكون راضي عن نفسك ومقتنع بأنك طوال اليوم بترتاح، هذه تعتبر استراحة محارب والعودة بتكون قوية.

طور من نفسك

عندك هواية أو تفهم لغة معينة بشكل بسيط، أكيد عندك مهارة ولكن مستواك فيها مو مثل ما تبي طور نفسك فيها، عندك كل الوقت عشان تتطور حدد عدد ساعات بسيط تتعلم فيه أكثر عن مهارتك المفضلة لو ساعة وحدة أو نص ساعة في نهاية الإجازة بتلاحظ تغير كبير في مستواك.

فيديو متداول:

فرحة عارمة من طلاب إحدى المدارس تزامناً مع نهاية العام الدراسي 1445هـ. pic.twitter.com/Tw9PyPxGvU

— الميدان التعليمي (@almaydanedu) June 9, 2024

في النهاية ما ودي أضيق صدرك بس بقولك خبر مهم الإجازة بتخلص في النهاية وبترجع الحياة زي ما كانت بس هل أنت بتكون إنسان مختلف أو لا الجواب يرجع لك.🫵🏼