كلنا بنمر بفتره نفقد فيها شغفنا إتجاه كل شي ويحيط فينا شعور الإحباط والفشل وإننا مو قاعدين نسوي حاجة مفيدة أو ننجز حتى أهدافنا, حتى الشغل اللي كنا نحب نسويه ما عاد نحبه والروتين الممتع لنا ما عاد هو ممتع!لا تظن إنها نهاية الحياة وتوقف عند هالنقطة, خليك متأكد أن كل إنسان طبيعي يمر بهذي الأيام

ترا مو من شروط النجاح والحياة تكون ناجح ومبدع, عادي يكون عندك أيام مخك مقفل. لكن الإنسان الناجح هو اللي مايوقف عند الشعور هذا ويستسلم له هو اللي راح يدور على طرق يسترجع فيها شغفه ويكتشف نفسه مره ثانيه!

على فكرة .. أنك تقوم من سريرك وتروح لدوامك هذا أكبر إنجاز تسويه بيومك

ولما تعرف تتعامل مع جميع الناس اللي حولك هذا إنجاز!

موصى به

وش سر الأفلام السعودية اللي قاعدة تكسر الدنيا؟أحدث امرأة سعودية تفوز بمرحلة في رالي داكارالأعمال الفنية القادمة في الرياض

🌟 إنجازاتك كثيرة وعظيمة أنت بس شوفها وقدرّها

بعض النصايح المفيدة لإستعادة الشغف في العمل 💜🙏 #نصايح_نايف pic.twitter.com/1jdZdFHorJ

—  Naif Alrabee  نايف الربيع (@NaifAlrabee) November 28, 2021

 من أسباب فقدان الشغف أنك تمشي بالعشوائية ومو راسم لك خطة أو مو حاط هدف ومركز علية بالحياة وبرضوا كثرة احتكاكك بالأشخاص السلبيين راح يأثر على طريقة تفكيرك.

إنك ترجع لشغفك تحتاج لحاجة تحفزك وتحسسك بالحماس وهالأشياء ما تجي من تلقاء نفسها لازم تتحرك بنفسك لها ..

كيف أرجّع شغفي ؟

 – أعطي نفسك الوقت الكافي للراحة عشان تشحن طاقتك فيه ( وهالطريقة يمكن هي كل اللي يحتاجها فاقد الشغف عشان يرجع لطاقته وحماسه)

– اجلس مع نفسك وتحدث معها وهذي طريقة مهمه و أسعى للاهتمام بذاتك وإنك تستعيد التوازن الداخلي

– ركز على نقاط القوة عندك مره ثانية وحاول تكتشف هواية جديدة تحبها أو موهبة

– حافظ على أذكار الصباح والمساء

–  تغيير ديكور غرفتك أو المكان اللي تعمل فيه أي بمعنى تغيير الجو المحيط بك

– ممارسة بعض الإعمال اللي تخلصك من الطاقة السلبية واللي تعطيك طاقة حلوة مثل : الرياضة اليومية أو رياضة التأمل ” اليوغا”

– تغيير نظام الأكل العشوائي واستبداله بنظام أكل صحي

– الابتعاد عن كل الأشخاص اللي يفكرون بطريقة سلبية سواءً بالحياة الواقعية أو على  مواقع التواصل الاجتماعي.