مجمع ذا إسبلاند: تعرّفوا عليه وأبرز الأماكن فيه
مجمع ذا إسبلاند: تعرّفوا عليه وأبرز الأماكن فيه
مجمّع ذا إسبلاند يعتبر من آخر المجمعات اللي فتحت في الرياض وبدأ ينتشر بسرعة كبيرة، وهذا الشئ يرجع لعدة عوامل منها مكانه الاستراتيجي وتنوع المطاعم والمقاهي فيه والأنشطة الترفيهية مثل صالة البولينغ والسينما، غير انه مناسب للتمشية 💚
موقع المجمع هو على طريق الأمير تركي الأول بجانب جامعة الملك سعود
من الجدير بالذكر أن المجمّع ما زال غير مكتمل ١٠٠٪، يعني ما زال فيه فرصة أنه يكبر أكثر وتفتح فيه أشياء رهيبة 🤩
إذا لسّا ما زرتوا هذا المجمع أو حابين تعرفون ايش الأشياء اللي ممكن تزورونها المرة الجاية كملوا هذا المقال 👇🏼
أبرز المقاهي في مجمّع ذا إسبلاند
تختلف المقاهي في المجمع وهذا شي حلو لأنه يرضي مختلف الأذواق، وهذه هي أبرزها
-
سوشيال كافيه
سوشيال يعتبر مقهى ومحمصة بنفس الوقت، يعني لو حبيتوا قهوتهم تقدرون تاخذون من محاصيلهم وتسوونها بنفسكم بعدين 😋
المكان مشهور لأجواءه المريحة وإضاءه الشمس فيه بالصباح 💕
View this post on Instagram
-
محبين الكوكيز وينكم؟
إذا كنتوا تحبون الكوكيز لازم تجربون CHBY Cookies لأن كثير يقولون أنه ألذ كوكيز ممكن تذوقونه بالرياض!
View this post on Instagram
-
مقهى كالدي
مقهى كالدي يتميز بأنواع المشروبات المختلفة من القهوة للموهيتو، وأنواع الحلا عندهم مختلفة لكن أكثر شي مشهور عندهم هو الوافل بأكثر من نكهة، غير نكهات الآيسكريم المختلفة الموجودة عندهم مثل الباشن فروت وغيره
ويمدحون عندهم مشروب مميز بعد واللي هو قهوة الهيل 😋
View this post on Instagram
-
أبرز المطاعم في مجمّع ذا إسبلاند
المطاعم في مجمع ذا إسبلاند تعتبر مختلفة بعد، وراح تلقون عندهم أطباق كثيرة من المأكولات الهندية إلى الستيك والمخبوزات وغيرها، وهذه هي أبرزها
-
مطعم موهلا الهندي 🇮🇳
مطعم موهلا يقدّم العديد من الأطباق الهندية المشهورة ويتميز بأن أسعاره تعتبر معقوله، غير الڤيو الحلو لو أخذتوا طاولة بالجلسات الخارجية في الدور الثاني ✨
المكان واسع جدًا، والخدمة فيه ممتازة
View this post on Instagram
-
مطعم أركومي 🕊
مطعم أركومي راح يجذبك من قبل ما تدخله حتى عشان تصميمه المميز والمريح، وراح تحتار إيش أحلى: الجلسات الداخلية أو الخارجية؟
المطعم مشهور بالمأكولات الخفيفة ووجبات الفطور مثل المخبوزات، غير أنواع البيتزا الشهية، وعندهم أنواع قهوة كثيرة
مطعم آركومي ARCOMI 🕊
حي المحمدية -مجمع ذا اسبلاند📍
يفتح من ٧ الصباح
فيه جلسات خارجية وداخلية
مختص بالقهوة والفطور والبيكري🥧
القهوة عندهم حلووه والسويتز لذيذة بالأخص كيكة التمر الشهيرة اللي عندهم 🥮
المكان جميل ورايق وهادي … صدق ينفع للروقان♥️
متحمسة أرجع له فطور 🕊😍
يتبع👇🏼 pic.twitter.com/KZ1I0z5IoZ— متذوقون 🍽 (@mtdhwqwn) June 21, 2022
-
أوكسار لمحبين الستيك
أوكسار يتميز بأن كميات الأكل فيه مناسبة لأسعاره ومعقوله، ويُفضّل تحجزون قبل ما تزورونه
View this post on Instagram
-
مطعم Roar لمحبين البرقر
مطعم Roar يقدّم برقر الدجاج واللحم، غير الأطباق الجانبية واللي كثير يمدحون منها سلطة السيزر، وأسعاره تعتبر معقولة ومناسب للمجموعات
View this post on Instagram
-
صالة البولينغ 🎳
اللي حبّوا المكان راح يحبونه أكثر مع صالة البولينغ هذه! تقدرون تتعرفون عليها وعلى أسعارها عبر التواصل مع ڤوكس سينما
View this post on Instagram
-
ڤوكس سينما 🎥
يتميز المجمّع حتى بڤوكس سينما وينفع للي حابين يقضون ليلة كاملة مع أهلهم ويتفرجون على شي يحبونه سوا ♥️
View this post on Instagram