مشروبات شتوية تدفي جسمك

الشتاء اشتد وزادت برودته وصار الواحد يحتاج لمشروبات حلوة وفي نفس الوقت تدفي جسمه، عشان كذا قررنا نسهل عليك المهمة ونكتب لك قائمة فيها مشروبات لذيذة وفي نفس الوقت تنفع في هالأجواء البادرة.

مشروبات شتوية ساخنة 

الهوت شوكلت (الشوكلاتة الساخنة)

من فينا ما يحب الشوكلاتة ويتلذذ فيها عاد كيف لو قدرت تجمع ما بين لذتها وتدفئة نفسك، طبعا طريقة تحضيرها مو صعب أبد يعني تقدر تجمع أنواع الشوكلاتة اللي تحبهم وتذوبهم بالحليب وبالعافية عليك، وإذا كنت متعيجز تسوي هذي قائمة محلات بتقدم لك ألذ هوت شوكلات.

موصى به

ألذ مقلقل في الرياضأفضل 5 مولات للمشي بالرياضجبال بركانية في السعودية!

السحلب 

من أشهر المشروبات الشتوية اللذيذة واللي ما بياخذ تحضيرها وقت منك، تبي تسويها بخطواتها جيب يا طويل العمر حليب سائل ونشأ وماء الزهر وسكر حسب رغبتك وعلى نار هادية لين تثقل شوي وضيف عليها مكسرات حسب رغبتك وبالعافية عليك، وإذا تبي تختصر وقت عليك تقدر تاخذ المكونات جاهزة من أي سوبرماركت، ننصحك تجربه.

@aziztime سحلب سريع وسهل وطعم مميز ٠ المقادير : كوب حليب م ك نشا م ك سكر ١/٢ م ص فانيلا سائله ١/٢ م ص موية ورد مستكه مطحونه ( شوي بس ) ٠ التزيين قرفه جوز هند مكسرات ٠ ٠ وبالعافيه عليكم ‏#سحلب #سحلب_الشتا ♬ original sound – Aziztime

الزنجبيل 

الزنجبيل من المشروبات الشتوية المعروفة وطريقة تحضيره ما فيه أسهل منه، كل اللي تحتاجة زنجبيل طبيعي وتقطعه من ثم تغليه بموية حارة وتضيف السكر حسب رغبتك، وإذا ما تبي تتعب نفسك فيه زنجبيل مطحون وجاهز تقدر تستخدمه بنفس الطريقة، والجميل بالزنجبيل أنك تقدر تشربه لحاله وتقدر تضيفه مع مشروبات ثانية مثل الحليب والشاي وغيرها.

شاي اللومي (الليمون الأسود)

غريب شوي صح لكن بس تجربه بتتغير نظرتك عنه لأنه فعلا لذيذ جدًا، وطريقته سهل مره خذ لك كم حبه لومي وكسرها وحطها بالبريق مع بذورها ثم حط بعدها كم حبه كاملة وأضفها للبريق بعد ثم خلها تغلي مع الموية وإذا بتضيف لها سكر ننصحك لا تكثر، بالعافية عليك ومتأكدين بتدمن عليه.

مشروب اللومي pic.twitter.com/Pd7yBQnbY1

— Mlak Abdullah (@modemedo2) September 24, 2022

الحليب

الحليب كلنا نعرف فوائدة الكثيرة وقد أيش مهم نشربه وبالشتاء زود على فوائدة بيدفي جسمك، وتقدر بعد تضيف معه أي أضافه تحبها مثلا شوكلاته أو زنجبيل أو مع الشاي أو القرفه.

هذي هي قائمتنا لمشروبات الشتاء اللي ننصحك فيها، وإذا عندك مشروبات ودك نضيفها ممكن تشاركنا أياها في هشتاقنا #lovinsaudi 💚

مشروبات شتوية تدفي جسمك