الرياض زوو بشكلها الجديد!
الرياض زوو بشكلها الجديد!
كل أسبوع نكتب لك عن فعاليات موسم الرياض ووش المناطق الجديدة.
اليوم بنعرفك على منطقة جديدة فتحت بيوم ٨ نوفمبر وهي حديقة الحيوان بالملز لكن بحلتها الجديدة 😍.
حديقة الحيوان بالرياض (Riyadh Zoo)
تأسست حديقة الحيوان في عام ١٩٨٧ والحين رجعت لنا بشكل الجديد، صار موجود بالحديقة أكثر من ١٣٠٠ حيوان من ١٩٠ فصيلة في ٦ مناطق محمية، بتخليك تعيش تجارب كثيرة وممتعة وتتعرّف على كل هذه الحيوانات وعاداتها ومواطنها!😍
الحديقة بتستمر إلى يناير ٢٠٢٣ وتفتح أبوابها من ١٠ صباحاً حتى ٥ مساءً، وأسعار معقولة جدًا: ١٠ ريال للكبار و٥ ريال للصغار 💸.
#الرياض_زوو بتفتح ابوابها ٨ نوفمبر 🔥❤️ … تنتظركم تجربة فريدة مع الحيوانات اللي تحبونها 🦒🦧https://t.co/9ze12o0STe#موسم_الرياض pic.twitter.com/5n4s98bHVk
— TURKI ALALSHIKH (@Turki_alalshikh) November 2, 2022
المناطق الموجودة بالحديقة الحيوان👇🏼
- بيت السلاحف
- بحيرة البجعة
- متجر الموسم
- الغابة السحرية
#الرياض_زوو #حديقة_الحيوان #موسم_الرياض_2022 #زوو
تجربتي لزوو كانت جداً جميلة شريت التذاكر من عند البوابة طبعاً جيت بدري.استمتعت بمشاهده الحيوانات والعروض الفعاله وكذالك توزيع الحليب على الاطفال من حليب السعودية وحصل لي نصيب من توزيعات دانكن ومشاهده المسرح والرسم على الوجه 🥰♥️ pic.twitter.com/HVsk9dTk7X— Tote💕 (@t_m_1989) November 12, 2022
ومن الفعاليات الموجودة هناك شد الحبل مع الأسد، وتقدر حتى تأكل الحيوانات مثل النمر الأبيض والقرود، وتعيش تجربة بيت البونقو وتاخذ فيه صورة تذكارية وفعاليات أكثر وأكثر مع حيواناتك المفضلة 🤩.
الحديقة مناسبة للكبار والصغار
احجز تذكرتك من هنا واستمتع فيها أنت وعائلتك 💚
