السهم الملتهب ماجد عبدالله

الكلام عن موسم الرياض والفعاليات اللي فيه يطول من كثرها ما شاء الله، يعني إذا ودك تتمشى لحالك تقدر وإذا تبي تاخذ معك أحد برضوا بتقدر.

موسم الرياض وصل أنه يخليك تلف دول العالم على رجلك، حرفيًا ٨ مناطق تناسب الكل. بصراحة حاجة فوق الخيال 😍.

قبل فترة تكلمنا عن حفلات كثيرة وفعاليات عديدة ومسرحيات ممتعه وجميلة، لكن اليوم الموضوع مختلف لأن كلامنا بيكون عن أهم لاعب شارك في الملاعب السعودية: الأسطورة الفذة والهداف بالفطرة وجميع هذه الميزات موجودة بلاعب واحد فقط: أسطورة المنتخب السعودي ونادي النصر ماجد عبدالله.

موصى به

الأوركسترا السعودية تعزز التبادل الثقافي في طوكيواستمتاع وزير السياحة ونائب وزير السياحة بأمسية جميلة في حائلقوة المرأة تبرز في موسم الرياض بأصالة وأحلام وحبهم للسعوديات!

الأسطورة ماجد عبدالله

مسيرة ماجد عبدالله تحتاج لمجلدات لأن فعليًا إنجازاته لا تعد ولا تحصى. هو المهاجم الوحيد اللي اتفقت كل الجماهير على محبته داخل الملاعب وخارجها. طبعا بيجيك الحين تساؤل وش علاقة ماجد عبدالله بموسم الرياض! وهذا تساؤل منطقي لكن راح أجاوبك عليه بكل بساطة: موسم الرياض العالمي مجهزين لك مسرحية خاصة تتكلم عن مسيرة اللاعب الأعظم بتاريخ المملكة العربية السعودية ونجاحاته والتحديات اللي واجهته، وفيها بتعرف ليه الكل يحبه وليه سيرته إلى الحين الكل يتكلم عنها ويتذكرها.

مسرحية السهم الملتهب عرض درامي عن قصة لاعب كرة القدم ماجد عبدالله ⚽️
🗓️ 16 – 28 ديسمبر
في #بوليفارد_رياض_سيتي
لا تفوِّت حضورها واحجز تذكرتك 🎟https://t.co/QxvqvHqiH3#موسم_الرياض pic.twitter.com/CkmW2iYuuz

— موسم الرياض | Riyadh Season (@RiyadhSeason) December 8, 2022

مسرحية السهم الملتهب

المسرحية تحمل اسم السهم الملتهب لأن ماجد كان سهمًا ممزقًا لشباك الخصوم، بيكون العرض الأول للمسرحية في ١٦ ديسمبر ببوليفارد رياض سيتي والعرض الأخير يوم ٢٨ ديسمبر.

الحضور مسموح للكل يعني حلو تاخذ عيالك وتخليهم يعرفون تاريخ هذه الأسطورة الكورية التاريخية وهذا رابط التذاكر.

الأسطورة في حائط المشاهير

حائط المشاهير في بوليفارد رياض سيتي كان بيكون ناقص بدون بصمة يد الأسطورة السعودية ماجد عبدالله.

 

View this post on Instagram

 

A post shared by لوڤن السعودية | Lovin Saudi (@lovinsaudi)

طبعا قبل فترة الموسم قدم لنا مسرحية الفيلسوف للأسطورة يوسف الثنيان، ومسرحية نمر بن عدوان للفنان الكبير خالد عبدالرحمن

#مسرحية_الفيلسوف 🎭⚽️🏟️👏🏻👏🏻👏🏻 pic.twitter.com/pJKXWNsUr8

— 🌈 معآذ السحيبَاني 🧚🏻‍♂️🌸 (@muathtweets) November 28, 2022

حضرت مسرحية #نمر_بن_عدوان ثلاث مرات.
لوحات فنية إبداعية متكاملة نص وإخراج وإضاءة وجرافيك وتمثيل متوج بغناء #خالد_عبدالرحمن
حضور متفاعل وتنظيم متعاون لو ما آخر يوم ولخبطة الموعد اللي تحول ل٦ وفاتني اول العرض وبدون عزف.

مسرحية جميلة تاخذك لعالم ثاني@KUhp2222 @NoorMediaAE

— أدب انجليزي (@Atomadri) December 1, 2022

هذا جديد موسم الرياض ومتحمسين للجاي 😍