فترة الاختبارات على الأبواب وعشان كذا لازم الواحد يشد حيله عشان يكون راضي عن نفسه أولًا ثم يرفع راس أهله اللي تعبوا عليه، طيب قبل لا نتكلم عن نصائح لمذاكرة كلها نشاط خلونا نتفق أغلب الناس ما تحب الموضوع هذا ويمكن مجرد ما شافت الموضوع قررت ما تدخل على المقال ولكن إذا أنت من الفضوليين وقلت خلني أشوف وش عندهم خلك معنا من بداية المقال إلى النهاية، بنخلي المقال قصير ونركز على الزبدة عشان وقتك الثمين ✨.

التسويف والهروب من كل ما يتعلق بالمذاكرة هو أكبر عدو لك، كل ما خلصت من المذاكرة بدري بترتاح وبتسوي اللي تحبه بدون ما تحس بأي ذنب، حاول تخلص مع بداية اليوم أول ما تفتح عينك على طول على الكتاب ساعة أو ساعتين ثم عيش حياتك طبيعي بعدها وكأن عندك إجازة.

موصى به

الأميرة هيفاء الفيصل توجه رسالة بغاية الأهميةنصائح لمذاكرة كلها نشاطحدث نادر بسماء السعودية

إذا ما نفع معك الحل الأول ممكن يكون فيه مشتتات أحرص إن كل شيء ممكن يلهيك يكون بعيد عنك لا تنام وجوالك عند راسك نام وكتابك جنبك صدقني بتلاحظ فرق، إذا أنت متعود تطقطق بالجوال شوي قبل النوم خلها تقرأ كتاب قبل النوم وأول ما تقوم تمشي على نفس روتين الخطوة الأولى، ويفضل المذاكرة ما تكون من الجوال لأن التشتت كذا بيكون أسهل وأسرع.

في حال ما كان في تقدم جرب طريقة التنظيم والترتيب، ضبط جدول مذاكرتك وحدد عدد ساعات معينة وركب منبهات في هذه الأوقات على مدار الأسبوع الجاي كامل وبعدها مجرد ما تسمع المنبه حط وضع الطيران وأترك كل شيء في يدك لازم كتابك يكون قريب منك دائمًا عشان ما يكون عندك عذر.

والشيء ما قبل الأخير هو تغيير المكان، هذا الحل مناسب مره وكان مفيد لكثير من الناس، جرب تروح قهوة أو مكتبة وتذاكر بين الكتب 🤓.

في النهاية إذا ما نفعت كل الخطوات وبديت تلاحظ هبوط في درجاتك بعيد الشر عنك، وفيه طريقة تنفع مع نوع معين من الناس واللي هي تذاكر في يوم الاختبار، جرب تقوم من النوم قبل موعد الحضور بمدة تشوفها مناسبة حسب المادة، وركز بشكل كامل على المذاكرة مع بريكات مدة ١٥ دقيقة كل ساعة، هذه الطريقة لا تعتمد عليها لأن كمية المعلومات الكبيرة اللي بتدخل مخك ممكن تخليك تنسى نصها أول ما تجلس قدام الورقة، ولكن إذا جربت كل شيء وما نفع معك لازم تعطيها محاولة.

وفي الختام لا تستهين بالمراجعة مع صديق قبل الاختبار بوقت كافي لأن هذا الشيء بيخليك تشوف مستواك الحقيقي في المذاكرة، نتمنى لكم أعلى الدرجات والمراتب