أسلوب الحياة

هذه 5 أماكن هادية تغيّر جوّك فيها هذا الويك إند في الرياض!

loovinsaudi
بواسطة

كل ويكند نحتار وين نروح نغير جو او وين ممكن نتعشى مع الأهل، جبت لكم اليوم قائمة بخمسة أشياء ممكن تزورها وتوسع صدرك فيها بالرياض، وبما اننا ناس تعشق التصويييييير حرصت اني اختار لكم أماكن تبسط العين قبل القلب ويلا مااطولها عليكم  نبدأ القائمة.

1. بسطة الرياض

سوق مفتوح مؤقت كل احد مشارك فيه ويبيع منتجاته بالإضافة الى كوفيهات ومطاعم معروفة، السوق موجود كل سبت في شارع الأمير محمد بن عبدالعزيز (التحلية)، تلاقونه مفتوح من الساعة 8 صباحا الى 4العصر، تقدر بعد تستأجر سيكل لك انت وعائلتك وتستمتعون بتجربة رياضية لطيفة.

2. منتزه الملك عبدالله

مسطحات خضراء  كبيرة في حي الملز شرق الرياض، فيه مبلغ دخول رمزي على كل شخص يبغى يدخل الحديقة، فيه بداخلها مطاعم وكوفيهات وبحيرة فيها نافورة عشان تصورون وتستمتعون.

 

View this post on Instagram

 

A post shared by AbOod Max (@bidoo_max)

3. سد وادي نمار

منتزه مفتوح في جنوب الرياض، فيه بحيرة صناعية تقدرون تشربون قهوتكم جنبها وتقدرون أيضا تمارسون رياضة المشي حول البحيرة، وفيه أماكن جلوس جميلة قريبة للبحيرة وبعض الاكشاك لو حبيتو تشترون منها.

 

View this post on Instagram

 

A post shared by سلمان|SALMAN (@salman.1744)

4. كليفر برجر

مطعم جوه أمريكي في شارع التخصُصي، مشهور مره في ساندويتش برجر اللحم، يقدمونه بطريقة بسيطة وجميلة، ويفرون خدمة التوصيل وطلبات السيارة، ولا تنسون تجربون من عندهم الكليفر صوص يممممممممي.

5. سواليف الديرة

عشان ما يزعلون اهلكم جبنا لهم مطعم شعبي بالرياض، يقدم مأكولات شعبية مثل/ الرز، الجريش، القرصان، ايدامات وجو المطعم وتصميمه شعبي بحت راح يأخذ عدسة جوالاتكم الى عالم ثاني، وبكذا نكون ارضينا الطرفين هالويكند في الرياض وبالعافية عليكم ويكند سعيد.

التسوق

إقرأ المزيد

المزيد مثل هذا