البيئة والطبيعة في السعودية متنوعة وغنية وكثير من المواقع تعتبر من الطبيعة البكر في المملكة يعني ما تم العبث فيها والتخريب، ومع هذا للأسف فيه أماكن كانت جميلة ومحفوظة ولكن مع مرور الوقت طالت لها أيادي العبث والتخريب.

في هذا المقال بنتكلم بشكل منطقي عن أسباب تخلينا نهتم بالحفاظ على البيئة بشكل أكبر، أول شيء وأكثر شيء منطقي أنت إذا طلعت مكان هل تفضل يكون الموقع جميل ونظيف ولا قبيح وتم تخريبه؟ أكيد أنت إنسان محترم عشانك تتابعنا وبتختار الجواب الأول وعشان كذا لازم كلنا ما نخرب ولا نعبث عشان أنفسنا على الأقل.

أحد المشاكل الكبيرة هي رمي القمامة في المتنزهات، هذا الشيء مو بس بيخرب عليك إذا زرت المكان مره ثانية مثل ما تكلمنا في النقطة اللي قبل، الموضوع كارثي على البيئة والحيوانات اللي تعيش فيها مهما كانت هذه الحيوانات بسيطة لأنها ممكن تاكل المخلفات والبلاستيك ويتسبب في تلوثها أو حتى موتها، غير عن كذا البلاستيك من المواد اللي صعبة تتحل بشكل طبيعي.

موصى به

وزير السياحة أحمد الخطيب يتجوّل بين سياح بالعلامقيم يسمي ابنه سعود تيمنًا بالسعوديةالسعودي محمد آل شيبان ينجح بالهبوط الصعب أثناء عاصفة لندن

تدري حتى مياه البحر المالحة ما تسرع في عملية تحليل البلاستيك وعلى العكس لو رميت شيء على الشاطئ ووصل إلى البحر ممكن ينزل الأعماق وما راح يكون هناك أي ضوء يساعد في التحلل وهذا الشيء يخلي العملية تطول أكثر وأكثر، وطبعا بيضر بالأسماك والبشر لأننا ناكل من البحر وفي حال الأسماك أكلت المخلفات ما يحتاج اقولك إن من الممكن ناكل أجزاء من المخلفات والقمامة اللي في بطن السمك 🤢.

طيب نروح إلى الصيادين الغير نظاميين ومجمعين الحطب هذول الأثنين كان ممكن يسببون مصائب غير قابلة للإصلاح مثل إنقراض بعض الحيوانات أو تهجيرهم إلى بيئات ثانية بسبب عدم وجود غطاء نباتي مناسب لهم وهذا الشيء بيضر حيوانات البيئة الجديدة والمشكلة تستمر في التوسع والتوسع.

في حال ما أقتنعت بكل الكلام اللي فوق أحب أقولك الله يعينك على نفسك، القانون هو الحل الوحيد للناس اللي ما تهتم في البيئة ومملكتنا الحبيبة عندها قوانين تحمي البيئة وعقوباتها صارمة وما فيها تهاون مثل اللي حصل هنا 👇🏻.

خلال أسبوع.. ضبط (18) مخالفًا لنظام البيئة في عدد من مناطق المملكة.⁦

⁦@SFES_KSA@security_gov #لأجل_بيئة_مستدامة pic.twitter.com/GivZFHz1s1

— وزارة الداخلية (@MOISaudiArabia) October 13, 2024

نشكر القيادة الحكيمة على مثل هذه القوانين ونتمنى من الجميع المحافظة على البيئة 🌳.