مع دخولنا موسم الأمطار والأجواء الزينة، لابد من طلعة تغير فيها جو، ما نتكلم عن طلعات في المدينة نقصد الكشتات، وأكيد شفت عنوان المقال قبل وتنتظر جدول ينقذ طلعتكم صح ؟👀
لا تشيل هم بنعطيك كم فعالية تسويها في البر وتخليك أحسن واحد بين اللي معك

الأكل والطعام والسعرات الحرارية 😍

الأكل فعالية رهيبة وفي بعض الوجبات اللي طعمها في البر ألذ بكثير من البيت، مثل الباذنجان ممكن تحطه مع الحطب وتسوي أحسن متبل بنكهة الحطب، وإذا ودك تغير ممكن تجيب مارشميلو وتحميها على النار، تجربة رهيبة، أو ممكن نقانق تثبتها في عود خشب وتعطيها تحميرة خفيفة. الوجبات الخفيفة تعتبر فعالية رهيبة خصوصًا إذا كان عددكم كبير.

@asmaalsalman221 #القصيم #بريده_القصيم_اكسبلور_فولو #كشتات #كشته #الربيعيه #شتاء #بر #طلعة #كبسة #فلوق #طبخ ♬ الصوت الأصلي – Asma Alsalman

 بناء منزل الأحلام 🛖

كل اللي تحتاجه سطل وشوية موية وتكون كاشت في مكان نفود، في هذه اللحظة لازم تطلع الطفل اللي داخلك وتبني أحلى بيت من التراب، وممكن تسوي نفق عميق وتحاول تشوف قد أيش تقدر تنزل 🧐

موصى به

ألذ مطاعم رز بالرياضوين تحتفل في يوم التأسيس بالرياضرمضان… كيف نقدر نستقبله بأفضل طريقة

هل تعرف أنت وين 📍🌍

إذا كنت بعيد عن المدينة جرب تحمل خريطة النجوم على جوالك وقارنها باللي تشوفه في السماء، فعالية لطيفة وفيها تحدي.

لعبة التحدي والجرأة

من الألعاب القديمة ولكن ما زالت محافظة على نفسها، أحسن شيء ما تحتاج أي أدوات، وإذا ما تحبها جرب تشتري أي لعبة ورق مثل البلوت او الشطرنج، راح تستمتع بشكل مو طبيعي.

في النهاية هي على الجليس لا المكان، نتمنى لك كشتة ممتعة ✨