وين يروح قطار الرياض بعد 12:00 ص؟

إذا قد جاك هالسؤال، فأنت مو الوحيد كثير ناس يناظرون القطار وهو يختفي بعد نص الليل، ويتساءلون: وين يروح؟ هل له رحلة سرية؟ هل ينام؟ خلني أقولك القصة من أولها!

وش يصير بعد نص الليل؟

لما الساعة تصير 12، قطار الرياض ما يروح يسهر، لكن يرجع لمكان يسمونه “مراكز المبيت”. هذة المراكز هي بمثابة “بيت” القطار، وفيها يتنظف، ينفحص، ويتجهز لليوم الثاني.

وش اللي يصير داخل مراكز المبيت؟

فحص كامل

لازم كل ليلة القطار يخضع لفحص دقيق. يشوفون المكابح، الأنظمة الكهربائية، وحتى المحركات (لأن حتى لو كان القطار كهربائي، فيه أجزاء تحتاج صيانة ).

تنظيف من وإلى

ما يطلع القطار للركاب إلا وهو يلمع ،يتم تنظيفه من الداخل والخارج، ويتم تعقيمه بالكامل. لأن بصراحة، الركاب يستاهلون رحلة نظيفة وآمنة.

موصى به

الملك سلمان: أب لأكثر من 1000 يتيم سوريوين نكشت في الرياض؟أبرز البراندات السعودية في عالم الأزياء

صيانة استباقية

إذا فيه أي جزء صغير محتاج صيانة أو تبديل، يتعاملون معه فورًا. الهدف هو إن القطار يكون بأفضل حالاته مع بداية كل صباح.

كم مركز مبيت عندنا؟

ما عندنا واحد ولا اثنين.. في الرياض فيه سبعة مراكز مبيت موزعة عشان تضمن إن الصيانة سريعة، ولو في أي وقت صار خلل في أحد القطارات خلال اليوم، يتم استبداله بقطار ثاني جاهز على السكة في أسرع وقت.

التحدي الأكبر.. الوقت!

فرق الصيانة عندهم وقت ضيق جدًا. القطارات تشتغل من 6:00 الصباح إلى 12:00 بالليل، وبعدها عندهم تقريبًا 3 ساعات للصيانة والتنظيف. من 4:30 إلى 6:00 الصباح تبدأ اختبارات وتجهيز القطارات استعدادًا للانطلاق. يعني الشغل لازم يكون دقيق وسريع.

🔴😴 هل تنام قطارات #قطار_الرياض ليلًا؟

كما هو معروف قطار الرياض يعمل من 6 صباحاً حتى 12 صباحاً، لكن ماذا يفعل خلال الست ساعات هذي؟#مترو_الرياض pic.twitter.com/3gr2H1Elix

— THE WOLF OF TASI ™ (@THEWOLFOFTASI) January 6, 2025

ليش الموضوع مهم؟

لأن كل هالتفاصيل الصغيرة تضمن إن رحلتك اليومية تكون سلسة وآمنة. كل ما تركب القطار الصباح، تذكر إن فيه فريق كامل كان يسهر عليه عشان يكون بأفضل حالاته.

وين يروح قطار الرياض بعد 12:00 ص؟