أسلوب الحياة

5 أفكار تقدرون تسوونها بالويك اند لازم ماتفوتونها

Avatar
بواسطة

كملنا 9 أيام من رمضان وقربنا ننتصف بنصف الشهر وتأقلمنا مع روتين رمضان المختلف واللي مو موجود فيه وجبة غداء أو عشاء وحتى الخروج للمطاعم قلت لكن لا زال فيه أفكار متاحة تقدرون تقضون الويك اند وتسمتعون مع أفكارنا

القعدة في البيت والسهر لأذان الفجر صاروا من الأشياء المهمة برمضان وجبنا لكم أنشطة تناسب روتين رمضان تمامًا

وهنا بنقولكم 5 أشياء تقدرون تسوونها بالويك اند

5.مطعم سولت

إذا كان مانقدر نطلع نفطر بالبر ووسط الصحراء بسبب الجو وحرارة الصيف تقدرون تروحون لمخيمات سولت الرمضانية والفطور فيها.. المنيو حقهم لذيذ ويشهي والبرقر ألذ شي بتلقونه وتقدر تسمتع بنار المخيم وتكتب اعتراف أو رسالة بخط اليد داخل المخيم وكل هذا بتلقونه بمخيمات سولت.. يفتح المطعم من الفطور لوقت متأخر بالليل

 

4. معرض الديناصورات

المعرض يرجعك إلى ما قبل 65 مليون سنة والوقت اللي كانت فيه الديناصورات ومن خلال المعرض بتتعرف على البيئة والتطور والإنقراض  برعاية علماء بواجهة الرياض.. وكل الكبار والصغار بيواجهون حالة الهوف من المخلوقات المتحركة بالحجم الطبيعي وبينتهي المعرض يوم 31 مايو عشان كذا ألحقوا عليه

 

3. هايك رمضان

في حال كنتم مسوين دايت أو ماكنتوا وكثرتوا من أكلكم وقت الفطور تقدر تطلع لرحلة في المساء وقت النجوم وتبدأ الرحلة لساعة متأخرة لحتى شروق الشمس وبيصير فيه مرشدين لمحبين المغامرات وبتستمر لمدة ساعتين وفيه وجبة سحور في المخيم

 

2. نور على نور

معرض نور على نور المقدم من نور الرياض واللي يحتوي على العديد من الأعمال الفنية والمعرض بيكون برفقة مرشدين وبتتعرف على “إدراك الضوء” و “تجربة الضوء” و “عرض الضوء” و “الضوء البيئي” والتصوير داخل المعرض ممتع جدًا

 

1. السوق الرمضاني في البوليفارد

استمتع بالأجواء الرمضانية والاحتفالات والديكور في بوليفارد الرياض ومع كوب قهوتك وابدأ التمشية للعيد

 

التسوق

إقرأ المزيد

المزيد مثل هذا