أشياء تحتاجها معك بالحج

الحج من أعظم الرحلات اللي ممكن تسويها بحياتك، ورحلة روحية لا توصف! 💫  لكن عشان تعيش التجربة براحة وبدون تعب، لازم تجهز شنطتك صح وتتأكد كل حاجه ضرورية معك! 🧳

جمعنا لك أهم الأشياء اللي تحتاجها معك بالحج، وبطريقة بسيطة وسهلة 🤝

1. لبس الإحرام (للرجال)

أكيد إن لبس الإحرام أول حاجة تفكر فيها، لا تنسى تجيب معك اثنين عشان لو توسخ أو صار عليه شي. وحاول يكون من قماش قطن مريح.

2. شبشب مريح 🩴

المشي كثير جدًا في الحج، فحاول تختار شبشب يكون مريح ويكون مرتفع عن الأرض، وابتعد عن اللي يسببلك جروح أو تقرحات يعني حاول يكون مقاسك بالضبط مو أصغر. أو مثلًا أبحث عن حذاء طبي أو كروكس لأنه خيار رهيب خفيف وسهل التنظيف مره.

3. شنطة ظهر صغيرة 🎒

راح تنفعك كثير في الطواف والسعي والمبيت بالمشاعر، حط فيها أشياءك الضرورية مثل المناديل، الماء، والأدوية والأشياء اللي تحس راح تحتاجها.

موصى به

الرياض تستقبل كبار قادة الأعمال الأمريكيينالفرص حوالينا بس مين يلقطهاخط الدفاع الأول في الحج

4. أدوات النظافة الشخصية 🧼

من أكثر الأشياء المهمة واللي لو نسيت وحده منها راح تضطر تبحث عنها بالمتاجر، عشان كذا ضبط لك جدول من الآن وكل يوم راجعه لما تتأكد إن كل شي مهم أخذته، والقائمة حقتنا تحت بتساعدك أكيد! ☑️

•  فرشة ومعجون
•  شامبو وصابون (ويفضل يكون بدون عطر) عشان ما تتحس البشرة مع حرارة الجو
•  مناديل مبللة
•  معقم يدين
• موس حلاقة (إذا كنت راح تحلق رأسك)
•  مقص أظافر
• عدد مناشف استخدام مره واحدة

• . كريم واقي شمس 🧴

ما تتخيل قد إيش الشمس قوية! خذ معك واقي شمس عشان تتفادى الحروق، ويفضل يكون طبي وخالي من العطور.

5. مروحة صغيرة أو بخاخ ماء 💨

راح تحس بحر غير طبيعي، فالمروحة المحمولة أو البخاخ ينقذك من الجفاف والحر وراح يبرد عليك.

6. أدوية أساسية 💊

•  بنادول
• دواء للمعدة
• لزقات جروح
• كريم للآلام العضلية

وإذا عندك أدوية خاصة، لا تنساها أبدًا! ومن الآن أكتب اسماءها بالترتيب عشان تتأكد من تواجدها معك.

7. كتيب مناسك الحج أو تطبيق جوال 📱

لو أول مرة تحج، راح يفيدك الكتيب أو تطبيق يعرض لك خطوات المناسك بترتيبها وبتكون مرتاح.

 8. ملابس مريحة 👕

لما تجي ترتب شنطة ملابسك خصوصًا للبنات تحت العباية أختاري الملابس القطنية والواسعة عشان ترتاحين وأنتي تأدين مناسك الحج.

9 صبر… وكثيييير من الدعاء 🕊️

الحج يحتاج نفسية رايقة وصبر على الزحام والتعب حاول تخلي نيتك لله، وعيش اللحظة بكل تفاصيلها وتأكد إن الحج مو كل شخص يتيسر له الحج، فهذه نعمة عظيمة سهلها ويسرها لك الله، استغلها بكل وقتها وتفاصيلها بالدعاء والتقرب إلي الآن ولا تنسى أهلك ومن تحب من الدعاء 🤲🏻

✨ نصيحة من القلب لا تثقل شنطتك وخل معك الضروري وبس، ولاتنسى إن الوزن الخفيف بيخليك تتحرك وتتنقل براحة وخفه وماتشيل هم نسيانك لأشياءك 💼

الله يتقبل منا ومنك صالح الأعمال والله ييسر لك حجتك ويتقبلها إن شاء الله 💚