وش سالفة السحب اللي انتشر بالسوشال ميديا؟

وش سالفة السحب اللي انتشر بالسوشال ميديا؟

ناس كثير انسحب منهم 5,000 ريال…

خلال اليومين اللي راحت انتشرت سالفة غريبة في مواقع التواصل الاجتماعي عن ناس يقولون إن انخصم من حساباتهم 5,000 ريال فجأة… واللي زاد الموضوع غرابة إن القصة مو جايه من إشاعة… الموضوع بدأ بسبب رسالة توعوية من أحد البنوك السعودية!

تخيل توصلك هذه الرسالة:

شراء عبر نقاط بيع: 5,000 SAR

موصى به

حكاية وطن بدأت من هناالسديس..أقدم إمام للحرممواطن سوري يشكر السعودية

وبعد ما تفتح الرسالة تستوعب انها حملة توعوية عن الاحتيال!!

بنك الانماء @alinma استخدم هذا الاسلوب “لتوعية” عملائه وخرشهم! 😬😂

لو حطوا ريال وبعدها الرسالة كان اصرف! مو 5,000 ريال! 😒😒 pic.twitter.com/apF6drKNXx

— AHMED | أحمد بوحليقة (@Boholaiga) February 17, 2026

حملة عكسية

البنك كان هدفه واضح يسوي حملة توعية ضد الاحتيال الإلكتروني ويحذر الناس من مشاركة بيانات البطاقة أو كود التفعيل مع أي شخص غريب… بس اللي صار انها انقلبت عليه!

الناس فهموا الرسالة بطريقة مختلفة، وبعضهم اعتقد إن فيه خصم فعلي صار على حسابه، والبعض تلخبط وخاف وبدأت التعليقات تنتشر:

الوالدة توها خارجة من المستشفى اثر جلطة خفيفة و الحمدلله طلعت بالسلامة
توها داخلة البيت وفجاءة تنصدم بالرسالة و تنادي علينا حسبنا صار فيها شي

بالنهاية نكتشف هذي الرسالة التافهة من بنك الأنماء !! حسبي الله بس@alinma https://t.co/f2ZxyKG4cd

— Rayan Alajyan (@RayaNolan0) February 16, 2026

اللي صار أن الحملة تحولت من توعية إلى موجة انتقادات وصار الجدل يكبر أكثر وأكثر خصوصًا بعد ما شارك كثير من المستخدمين تجاربهم وآراءهم ما بين ناس رفضت الفكرة بالكامل… وناس قالت إن المشكلة مو في التحذير المشكلة في طريقة الطرح واختيار الرسالة

وش سالفة السحب اللي انتشر بالسوشال ميديا؟