سفرة رمضان يبدأ فيها اليوم بمخطط معين وينتهي بأحداث غير متوقعة، وسفرة الفطور بالذات هي أرض المعركة اليومية، اللي كل واحد في العائلة له دور فيها غصب أو برضاه!

مأساة اللي يصب العصير

اخر واحد يجلس على السفرة هو اللي راح ينكب لأن الكل يكون اختار مكان مناسب وبعيدا عن العصير إلا هو، وظيفة صب العصير عادية لين تصير بسفرة رمضان معاناة نفسية وجسدية هو يبي يفطر بروقان بس محد مخليه في حاله وكل شوي صب وصب ولا يتشرطون في الصب
“أبي كاسه مليانة بس لا توصل للحافة!”
“صب لي نص كاسه، لا لا، أقل شوي”
“أبيه بارد بس لا يكون مع ثلج واجد!”
“ياخي خفف الفيمتو أنا معدتي تعبانة”
“أبي كاسه مليانة بس بدون رغوة!”
“صب لي ليمون بس لا تخلي النعناع يجي معه!”
والمسكين ما يفطر كويس.

موصى به

اسعار بوفيهات الفطور في الرياضأجواء رمضان على السفرةزهور تميزت فيها السعودية

اللي يجيب القشطة

وفيه الشخصية اللي دايم نعاني منها يكون نايم طول اليوم لين نصحيه يروح يجيب القشطة من البقالة، هذا الشخص يدخل المطبخ قبل الأذان بخمس دقايق ويسوي نفسه كأنه اشتغل بالسفرة كاملة وهو بس جايب القشطة، ووقت الفطور يتشرط بالأكل ليش ماسويتو كذا وهذا مو حلو هذا ملحه زايد.

@ajml.33 إفطار العافية للجميع ♥️ #كل_عام_وانتم_بخير❤ #فطور_رمضان ♬ الصوت الأصلي – البنت الرايئة 🧃

الاطفال في رمضان

كل بيت فيه طفل يكون توه متعلم يجلس دوره يحوس السفرة، ممكن يقرر إنه يصب الشوربة فوق التمر، أو يحط السمبوسة في الفيمتو ويأكلها وهو مبسوط!، وفيه الطفل اللي أول رمضان يصوم ويكون صيامه للعصر ويجي على السفرة فخور بنفسه.

القهوة السعودية

بعد الفطور تبدأ طقوس القهوة السعودية وهنا تبدأ الحوارات المعتادة:
“القهوة اليوم طعمها مضبوط، مين اللي سواها؟”
“حلوه بس ناقصها شوي هيل”
“لا كأنها خفيفة؟”
وهنا يبدأ النقاش بين اللي يحب القهوة قوية واللي يحبها خفيفة، وفي النهاية القهوة تنشرب بغض النظر عن الانتقادات اللي جاتها!

اختبارات الحلا والتجارب العائلية

التحلية عندنا ما تنحصر في شيء معين، كل يوم تجربة جديدة، وكل شخص وده يكون صاحب أفضل حلا على السفرة ومن ضمنهم: اللي جرب وصفة جديدة من تيك توك وما تضبط، واللي يسوي كيكة لكن تطلع أقرب لخبز الصامولي، وكل يوم تجربة حلا جديدة وغريبة لين ينتهي رمضان على خير، والمشكلة إنك ما تقدر ترفض لازم تذوق كل شيء حتى لو الطعم غريب وحتى لو واضح من الشكل إنه تجربة فاشلة ، وكل واحد يقدم حلاه بكل ثقة ويقول:
“ترى جربت أضيف نكهة سرية!”
“وش هي؟”
“ما أقول، بس بتلاحظ الفرق.”
والفرق فعلا يكون واضح بس مو بطريقة كويسة.

@nnooofy6 فطور اول يوم وعائلتي الصغير اللهم أدمها من نعمه 🌙#الهنوف_تغطيات #اكسبلورexplore #fypage #رمضان #سفرة_رمضان #تنسيقات_رمضان ♬ الصوت الأصلي – .🍃Laila | ليلى

أزمة السمبوسة الخادعة

من أكبر الصدمات اللي تصير على السفرة إنك تبي سمبوسة دجاج وتطلع لك سمبوسة جبن الشعور هنا مثل إنك تفتح علبة بسكويت وتلقاها مليانة أدوات خياطة، الموقف يزعل لكن ما في حل غير إنك تكمل أكل وكأن ما صار شيء أو ترميها على اللي جنب وتحطها فيه.

@reem_design9 #reem_design9 #تصاميم #رمضان #رمضان_يجمعنا #رمضان_كريم #سفرة_رمضان #تنسيقات_رمضان #لقيمات_رمضان #فطاير_جبن #فيمتو ♬ original sound – 🦋

لحظات النكبة

ما في سفرة رمضان تعدي بدون ما يصير فيها نكبة سواء كان انكبت الشوربة أو العصير هنا يصير هدوء ولحظة صمت والكل يناظر بالوالد ينتظر ردك فعل:
“خير إن شاء الله ما تشوف أنت!!!”
والأم تحاول تهدي الموقف:
“خلاص خلاص مو أول مرة تصير قوموا امسحوا وارجعوا كملوا أكلكم”

@__iia22 ١ رمضان | 🤍. #اكسبلورexplore #fyp #تجهيزات_رمضان #رمضان_2025 #سفرة_رمضان #رمضان #فطور_رمضان ♬ الصوت الأصلي – SEHAM📷

تقلص السفرة

أول يوم رمضان السفرة تكون كبيرة لأن الكل متحمس والكل يطبخ وكل شيء متوفر وكل صنف موجود، لكن لما يجي نص رمضان السفرة تبدأ تتقلص والأصناف تقل لين ما يبقى التمر والمويه.

وبالرغم من هالتغيرات تبقى هذه الأجواء أحلى شيء وكل فوضاها وضحكها وأحداثها تصير ذكريات حلوة ونستناها كل سنة.