نبحث عن ممثل مبيعات ملهم وبارع بإنجاز المهمات
نبحث عن ممثل مبيعات ملهم وبارع بإنجاز المهمات
ودك تحقق نجاحات وتخلي أسمك بارز في عالم التسويق والمبيعات؟ طيب عندك رغبة وشغف بأنك تسوي لنفسك نقلة سريعة ومميزة؟
التساؤلات كثيرة لكن هل أنت شخص شغوف بكل ما يخص السعودية؟ وودك بوظيفة تدعم شغفك؟ طيب أنت شخص مهتم بمتابعة السناب أو اليوتيوب أو الإعلانات الرقمية؟ كل هذه التساؤلات إجابتها موجودة في هذا المقال 👇
في أغسطس للإعلام نبحث عن شخص قادر على قيادة الفريق والتكيف بشكل سريع وفهم سياسة العمل المتبعة، والأهم يكون محب للسعودية وقادر على إقناع الأخرين.
عرض هذا المنشور على Instagram
بالمختصر نبي واحد ذهين وعنده أسلوب رهيب بالإقناع، وقادر يوصل الفكرة بشكل يجذب العميل للعمل معنا.
المواصفات المطلوبة بممثل المبيعات اللي نبيه
نبحث عن واحد عنده طاقة وحماس ورغبة كبير لإنجاز كل المهمات، ويقدر يشتغل على المشاريع الكبيرة والصغيرة، وحريص على التعلم والمساهمة بنمو الشركة
متطلبات لازم تكون موجودة في ممثل المبيعات
نبي واحد كفو وعنده خبرة من ١-٤ سنوات بمبيعات الوسائط الرقمية، وماخذ درجة البكالوريوس بإدارة الأعمال أو التسويق أو في أي مجال له صلة بالمبيعات.
نحتاج واحد عنده الخبرة في أشياء مرة مهم منها: تطوير الأعمال أو شراكات العلامات التجارية أو المبيعات أو التسويق، ولازم يكون عندك كفاءة كبيرة باستخدام تطبيقات مايكروسوفت أوفي ومهارات تحليلية، وأي مشكلة تصير تتخذ قرار سريع مرة بحلها.
القدرات القيادية والإدارية نحتاجها في ممثل المبيعات اللي ودنا فيه، وفوقها يكون قادر على رفع الفريق بالكامل للقمة ويطورهم لتحقيق الكثير من النجاحات.
أنك تكون قائد هذا شيء مهم لكن الأهم من هذا الشىء واللي نحتاجه في ممثل المبيعات اللي ودنا يكون معنا أنه يملك الفطنة التجارية وعنده مهارة كبيرة بالاتصال والتفاوض، ويخلص لنا بوقت سريع أكثر من صفقة مع العملاء الجدد.
عرض هذا المنشور على Instagram
التعاون مع الفريق من الأمور المهم اللي نبيها في ممثل المبيعات بالتحديد مع فرق المبيعات والبيانات والتحليلات والمحتوى، عشان يقدر يحسن لهم أداء الحملات ويقدر يراقبها لتحقق أهداف التسليم وحل المشكلات بشكل سريع أن وجدت.
ودنا بواحد عنده القدرة على تحقيق التوازن بين عمله بالإشراف الاستراتيجي ،المشاركة بشكل مباشر بالعمليات اليومية وإنجاز كافة المهام بشكل سريع ومتقن.
الوظيفة إذا حصلت عليها راح تضيف لك فرصة ما تفوت لتحقيق تأثير ونجاح كبير بنمو المجال التسويقي بالشركة.
