قائمة لأفضل 7 كافيهات تقدّم قهوة مختصة في الخبر

الكثير خلال السنوات الماضية صار مو بس يحب القهوة، صار يفهم وخبير فيها بعد. عدد محلات القهوة المختصة وانتشارها في كل مكان والإقبال الشديد الملحوظ غيّر مفهوم ونظرة الكثير عن القهوة ?

واليوم أغلبنا يدور المكان المميز فعلًا سواء إذا بنتكلم عن جودة القهوة والمذاق، أو أي قيمة مضافة مثل الجلسة والأجواء العامة المصاحبة.

عشان كذا قررنا اليوم نزودكم بقائمة فيها أبرز محلات القهوة بمدينة الخبر.

على ايش اعتمدنا في اختيار قائمة أفضل 7 محلات قهوة مختصة في الخبر؟ ☕️

• التقييم على المواقع
• السمعة وردود الأفعال والتعليقات من المستخدمين
• اختيارات متابعيننا على الانستقرام
• وإذا فاتنا ماذكرنا شي مميز يستاهل، أكيد لا تتردد وعلّمنا عنه
• القائمة وضعت من غير ترتيب

1. مقهى ومحمصة شرق .. تخيّل أنهم يحمّصون القهوة عندهم في المحل! ?

اللي خلا مقهى ومحمصة شرق يتواجدون بهذي القائمة وبجدارة، أنهم جمعوا وقدروا يتفوقون بشغلتين هي زبدة أي محل قهوة مختصة، اللي هي جودة وتنوع أنواع حبوب القهوة، والأجواء والجلسة الحلوة الأنيقة.

قليل ما تلقى “كوفي شوب” بداخله غرفة محمصة! التحميص “فريش” والحلو بعد بالموضوع أنه يعطونك خيارات متنوعة من أنواع القهوة وهذا اللي يدوره الذويق، اللي يستطعم، واللي يفرق معاه نوع إلى آخر. على فكرة يمكن يكون نوع القهوة اللي جربته في إحدى الأماكن ما عجبك، بينما نوع آخر في نفس المحل يكون على جوّك عشان كذا دائم اسأل وأعرف وش نوع القهوة اللي قاعد تشربها، عشان تعرف ايش تحب وايش ما تحب يعني أنت ممكن تكون ما تحب حموضة البن الإثيوبي، فالمقابل تحب توازن البن الكولومبي مع الوقت بتعرف تفضيلاتك في نوع البن ويمكن درجة تحميصه بعد.

بشكل عام بنسبه لأنواع القهوة تلقون عندهم (حسب الموسم والتوفر): بن كولومبي، برازيلي، سلفادور، يمني، إندونيسي، كوستاريكي، اثيبوبي، وأوغندي.

على فكرة حتى موقعه حلو بكورنيش الخبر.

https://twitter.com/ShrqCoffee/status/1268453527904542721?s=20

2. “أورجانيكو” القهوة العضوية المختصة .. للي يدوّر الزين والعضوي بنفس الوقت ??

أول قهوة عضوية مختصة في الشرقية، صدق إن المحل صغير خصوصًا بالصيف لأنه الطبيعي الناس تدور جلسة داخلية، لكن يستحق يكون بالقائمة لأن الجميل فيه أنه مو بس قهوتهم عضوية ومتنوعة ولذيذة فعلًا، فوقها يقدمون بدائل مختلفة للحليب لأنه زي ما انتو عارفين فيه ناس نباتية أو عندها حساسية فما تشرب حليب البقر.

الحليب وبدائله كلها عضوية عندهم، طيب ايش هي البدائل؟: حليب مستخرج من اللوز، حليب الرز، حليب الفستق، أو حليب جوز الهند كله متوفر.. طب وتخيّر.

بشكل عام في السعودية مو بس الإهتمام بنوعية القهوة تزايد بشكل كبير وملحوظ، بل حتى الإهتمام بالمواد العضوية.

كأنك سألتنا وش المقصود بالأكل العضوي، توقعنا انك تسأل وهذا هو التعريف: الأطعمة العضوية هي الأطعمة المنتجة بأساليب لا تتضمن مدخلات صناعية مستحدثة غير طبيعية، من مبيدات حشرية صناعية وسماد كيماوي، وخلال إنتاجها لا يتم تعديلها بالتعرض للإشعاع أو بالمذيبات الصناعية أو بالمضافات الكيماوية.

https://www.instagram.com/p/B2lbghrhyEU/?utm_source=ig_web_copy_link

3. محمصة ومقهى قاف .. رقم 1 بالتصويت ?

نهنيكم يا قاف، عندكم جمهور حقيقي وكسب حب وولاء الزبائن لحاله دليل على انكم تستحقون وبجدارة تكونون بالقائمة.

تخيّلوا انه سألنا متابعين لوڤن السعودية عبر الإنستقرام عن أقوى قهوة مختصة بالخبر، أغلب الإجابات كانت قاف. وبعد ما تعبثنا بحساب قاف بالانستقرام استمتعنا بالقهوة وهذي هي بس صور، كيف بالحقيقة أجل؟

https://www.instagram.com/p/BS8gmJzD0go/?utm_source=ig_web_copy_link

4. خطوة جمل .. خطوة للخبر ?

خطوة جمل مشروع كبير مو مجرد محل قهوة .. خطوة جمل شركة ومصنع سعودي للقهوة المختصة بدأ من الرياض قبل 6 سنوات تقريبًا وهدفهم العالمية، وفتحوا ثاني فرع لهم بالخبر سبتمبر 2019.

خطوة جمل كان ثاني أكثر اسم عليه تصويت عبر حسابنا في الإنستقرام، الناس تحبه.

الملفت إنه عالم متكامل خاص بالقهوة، تبي تشرب كوب من باريستا مُعتمد عالميًا، أو تقول يا حبيبي أنا أبي أشتري أدوات القهوة وأسويها بنفسي بالبيبت، أو حتى تخطو خطوة أبعد من كذا وتحضر بمركز تدريب دورة تدريبة عن إحدى مجالات القهوة المختصة.. كل ذاااااا تلاقونه بمعرض خطوة جمل بالخبر.

عندهم موقع ويبيعون حتى بن القهوة العربية والتركية.

https://www.instagram.com/p/BHpyeOHj9-Y/?utm_source=ig_web_copy_link

5. “بولس” كافيه .. للي يدور مشروبات القهوة الباردة ?

بولس مبدعين بالمشروبات الباردة، عندهم مثلًا سعودي لاتيه بنكهة القهوة العربية، برضو عندهم البستاشو لاتيه، والروز لاتيه. وعندهم البوكسات للمشروبات الباردة حقت الجمعات العائلية. وأخيرًا ما ننسى عندهم منيو فطور.

كل هذي مقدمة، للحظة المهمة واللي هي قهوة Ice Pulse Latte واللي اخترنا انه نستعرض لكم صورتها زي ما انتو شايفين، قهوة مثلجة على شكل قلوب مع خلطة الحليب الخاصة يضاف عليها دبل شوت اسبريسو يا ساااااااتر!

https://www.instagram.com/p/Bznwu9KBJFu/?utm_source=ig_web_copy_link

6. قهوة عمق .. تتفوق من ناحية تقييمات المواقع وآراء الناس ?‍?‍?‍?

قهوة عمق في تقييم جوجل ماخذه 4.4 من 5، طيب كم شخص قيّم؟ 535 شخص ??

قهوة عُمق فل أوبشن فيها كل شيء، حتى البن يتحمص عندهم بالمحل.

عبي حافظة القهوة الورقية وشيييييل، تكفي 12 كوب وتحفظ الحرارة إلى 4 ساعات.

https://www.instagram.com/p/B7IpPUhBDno/?utm_source=ig_web_copy_link

7. ثري سيدز .. ألوان المحل لحالها تفتح النفس

ألوان المحل بطابع مريح للعين، ألوان متناسقة بطلها لون التركواز، حتى آلة التحميص الموجودة بنص المحل لونها تركوازي.

ثري سيدز ماخذين تقييم عالي في جوجل، 4.4 من 5، واللي قيّم 460 شخص.

https://www.instagram.com/p/B44gBw_h-xY/?utm_source=ig_web_copy_link

إقرأ: كافيه جديد للكلاب والقطط في الخبر .. الأول من نوعه في السعودية