الأفضل من

قائمة لأفضل 10 منتجعات في العاصمة الرياض!

Avatar
بواسطة
الرياض صارت وحدة من أكبر مدن العالم وأهم مدن المملكة طبعا غير كونها العاصمة هي ملاذ سياحي عشره على عشره، كل شيء تبغاه وتتمناه راح تلاقيه في الرياض وبكذا شكل ومكان، يعني كافيات في عدد كبير من الكافيات وتنافس شديد بعد، مطاعم راح تلاقي حتى المطاعم العالمية في الرياض، مولات، أماكن ترفيهية وغيرها الكثير مثل المنتجعات اللي انتشرت في الآونة الأخيرة بالعاصمة، ولهذا السبب وعشان نختصر عليك البحث في الصفحات والمواقع، عملنا لك قائمة بأفضل 10 منتجعات في العاصمة 🤩.

على ايش اعتمدنا في اختيار هذه القائمة؟

  • السمعة وردود الأفعال والتعليقات من الناس
  • اختيارات متابعينا على الانستقرام
  • وإذا فاتنا ذكر شيء يستاهل، أكيد لا تتردد وعلّمنا عنه
  • القائمة وضعت من غير ترتيب

1.منتجع ماسينا

منتجع مآسينا للحفلات والمؤتمرات والاجتماعات في حي العارض هي وحده من أكبر وأشهر المنتجعات في الرياض واللي أغلبكم رشحه لنا في هذه القائمة😎.

2. منتجع درة الرياض

من المنتجعات الكبيرة في الرياض واللي تقدم عدد من العروض بين فترة وفترة ويستغلون أغلب الأحداث والتواريخ المهمة عشان يقدمون شيء مختلف ومميز لزبائنهم.

3. نجدارة “دارة نجد”

نجدارة هو واحد من أحدث المنتجعات في العمارية الرياض وفكرته قريبة للمنتجعات الريفية ونقدر نقول انهم متفردين بالتصميم كونه سعودي وجميل.

4. منتجعات بليار

تعتبر من المنتجعات الفندقية وعندهم خيارات عديدة لزوارهم بين الجلسات الخارجية وبليار البحار وبالإضافة الى قاعاتهم اللي تقدرون تحجزونها أي وقت يناسبكم.

5. منتجع قولدن بوينت

كمان في حي العارض وهو عبارة عن منتجعات مكونة من دورين بحجمين الصغير والكبير ويحتوي على غرف نوم وصالة.

6. منتجع فاندوم

فاندوم يقدمون خدمات فندقية راقية وابداعية بالإضافة الى تجهيزاتهم لمناسباتكم بالشكل اللي يناسبكم بالاضافة الى خدمة الإيجار اليومي.

7. العمارية هيلز

من أشهر المنتجعات واللي أكثر زيارة كونه منتجع 4 نجوم وفيه ما يقارب 32 غرفة فيها الكثير من المميزات مثل التمارين الرياضية ومركز لياقة بدنية بالإضافة الى صالة الاحتفال.

8. منتجع تالة

العمارية قاعده تفوز بجمال منتجعاتها وكثرتهم، ومن بينهم منتجع تالة اللي يقدم الرفاهية لك انت وعائلتك بباقة من الخدمات اللي ما راح تلاقيها الا عندهم.

9. ريدوس

من الأماكن اللي افتتحت قريب وتناسب الناس اللي تحب الخصوصية بين الأهل فقط او مجموعة أصدقاء، ويبيضون وجهك في أي مناسبة او حفلة عندك.

10. درة الرياض

المنتجع الأنسب في حال كان عندك حفلة او مناسبة وحاب انها تكون في مكان مرتب وجميل ويستوعب كل ضيوفك.

التسوق

إقرأ المزيد

المزيد مثل هذا