قائمة لـ 7 كافيهات هادية بالرياض لازم تزورها اذا تبي تخلّص شغلك أو تروّق فيها!
الكافيهات مافيه أكثر منها في السعودية وبالتحديد الرياض، عد وأغلط وكل كم يوم فيه كافيه جديد ونص أهل العاصمة فيه ?
لكن أحياناً نحتاج كافيهات هادية نخلص شغلنا فيها، نحضر محاضرات أونلاين، مذاكرة، قراءة كتاب أو مجرّد نروّق فيها وننحاش من الزحمة وصخب باقي الأماكن ?
سوينا قائمة خفيفة للكافيهات الهادية والرايقة في رياضنا الحبيبة ?
على ايش اعتمدنا في اختيار قائمة أفضل 7 أماكن هادية مناسبة لحضور المحاضرات والاجتماعات في الرياض؟
- التقييم على المواقع
- السمعة وردود الأفعال والتعليقات من المستخدمين
- مراجعة المغرّد أحمد آل أحمد @a_l_ahmd
- وإذا فاتنا ماذكرنا شي مميز يستاهل، أكيد لا تتردد وعلّمنا عنه
- القائمة وضعت من غير ترتيب
١. فوكس
من أكثر الكافيهات الهادية والرايقة في الرياض موقعه في طريق الأمير محمد بن سعد في حي العقيق ?
يتميز بأماكن مغلقة للمذاكرة او للاجتماعات يتم حجزها بالساعة، مناسب جدا لطلاب الجامعات ويوفر كل طاولات ومنافذ لشحن الأجهزة ?
https://www.instagram.com/p/B6ApQ0PBw56/
٢. كابري كافيه
تصميمه مستوحى من جزيرة كابري، أجواءه هااااادية ورايقة ومريحة للعين ?
يقدّم مجموعة متنوعة من القهوة والحلويات، مكانه على طريق الثمامة بحي الصحافة
https://www.instagram.com/p/B9sDsAZhtgP/
٣. كنكه
من الأماكن اللي قهوتها جيدة .. ومريح انك تكمل شغلك لمدة قصيرة
موجود على طريق الملك عبدالعزيز في حي الياسمين
https://www.instagram.com/p/BHaWf4IDqN1/
٤. اكسير البن
من أشهر وأول المقاهي اللي يقدّم قهوة مختصة في الرياض، اكسير كوّن مجتمع رائع لعشاق القهوة والحياة
وفروعه موجودة في النخيل والحمراء ومنطقة قصر الحكم وتركي سكوير
https://www.instagram.com/p/B9WbqJjFzOy/
٥. انتروكوت كافيه دي باريس
المطعم الشهير الراقي الموجود في وسط العاصمة في برج الفيصلية، مناسب للاجتماعات الرسمية ?
يقدم ألذ أنواع الستيك والمشروبات الباردة والحارة، مهم انك تحجز قبل تروح!
https://www.instagram.com/p/BqMwz6OBdtU/
٦. كولترا دل كافيه
مساحاته واسعة وجلساته مريحة، ويقدم القهوة بأنواعها ومجموعة لذيذة من الكيك ?
موجود على طريق الإمام سعود بحي الملقا
https://www.instagram.com/p/ByNOyJ6hwJ6/
٧. صحبة
تصميمه وجلساته شرحة جدًا وهاااادي، مناسب كثير للمذاكرة والاجتماعات السريعة ?
موجود في داخل حي الملقا
https://www.instagram.com/p/B9WiiCwhvGj/
