فعاليات موسم الدرعية اللي تستناك
فعاليات موسم الدرعية اللي تستناكم
في أبرز مواقع التراث العالمي يقام موسم الدرعية اللي فيه عدد من الفعاليات الرياضية والترفيهية الجميلة والاستثنائية، يعني لو كنت شخص محب للرياضة وتبغى ترفّه عن نفسك، لا تفوت فرصة زيارة الموسم وحجز تذكرتك لأجمل الفعاليات هناك 🤩.
حاب تعرف ايش يستناك بالموسم؟ كمّل معنا 👇🏼
١– كأس سوبر الدرعية
مباراة مرتقبه ومثيرة بين نادي الهلال السعودي بطل الدوري السعودي لثلاث نسخ متتالية أمام النادي المنتشي بعد الاستثمار السعودي نيوكاسل الإنجليزي بتاريخ ٨ ديسمبر ٢٠٢٢.
نيوكاسل بيلعب هذه المباراة وهو صاحب المركز الثالث بالدوري الانجليزي بعد ما أبهر الجميع بمستوياته الكبيرة وحقق ٣٠ نقطة من ١٥ مباراة وتعرض لخسارة وحدة بس.
٢– كأس الدرعية للتنس
النسخة الأولى من البطولة عام ٢٠١٩ حققت نجاح كبير باستضافتها لأبرز النجوم العالميين، والحين الدرعية تستعد في ٨–١٠ ديسمبر لإستضافة النسخة الثانية من كأس الدرعية للتنس بتواجد ١٢ لاعب عالمي.
اللي يميز هذه النسخة أنها بتشهد لأول مرة المنافسات الزوجية يعني المتعة بتكون حاضرة والبطولة بتشعلل على الأخر 🔥.
لا تفوت هالفرصة و احجز تذكرتك من هنا.
View this post on Instagram
بيكون من ضمن هذه الفعالية حفلات موسيقية لفنانين مميزين 🤩
وائل الجسّار يفتتح الموسم بحفلته في ٨ ديسمبر 🎼
وزينه عماد تتألق على المسرح بتاريخ ٩ ديسمبر 💚
٣– حول الحطب
فعالية لطيفة تجمعنا على شبّة النار ونعيش فيها جو الشتاء على أصوله مع المأكولات الشعبية والموسيقى والقهوة السعودية 💚
موسيقى حيّة.. وأكلات شتوية
في #فعالية_حول_الحطب قريباً🔥#الفعاليات_الثقافية pic.twitter.com/MSCwmt9gkG— الفعاليات الثقافية (@MoC_Engage) November 12, 2022
٤– كأس السوبر الإيطالي
إذا بنتكلم عن القمم العالمية لازم نذكر منها قمة الديربي الإيطالي الشهير ميلان وأنتر. هذه المرة الجماهير السعودية بيستمتعون بالكورة الإيطالية في نهائي كأس السوبر الإيطالي بتاريخ ١٨ يناير ٢٠٢٣ 👌🏼.
يتواجه الفريقين بالسوبر بعد ما استعاد ميلان عرش لقب الدوري الإيطالي، وتمكن الإنتر من الحصول على لقب الكأس 🏅
٥– مطل البجيري
من الأماكن اللي كثير متحمسين لها في هذا الموسم مطل البجيري، وهذا المقال يختصر لك كل اللي فيه 🤩.
٦– ABB FIA Formula E الدرعية
بطولة سباق أي بي بي إي فورمولا إي للسيارات الكهربائية المعتمدة هي أول بطولة رسمية لسباقات الشوارع للسيارات الكهربائية من قبل الاتحاد الدولي للسيارات، وهدفها هو المحافظة على تغيرات المناخ وتحقيق الاستدامة البيئية والاقتصادية والاجتماعية 💚
احجز تذكرتك من هذا الرابط واستمتع بالأجواء العالمية.
٧– ليالي الدرعية
فعالية ليالي الدرعية ترجع لنا من جديد بعد النجاح الكبير في موسم الدرعية الأول 🤩 وبتكون من ١ يناير ٢٠٢٣ إلى ٢٢ فبراير ٢٠٢٣.
٨– يوم التأسيس
بيكون فيه فعالية مميزة بمناسبة ذكرى يوم التأسيس الـ٢٩٦ بتاريخ ٢٢ فبراير ٢٠٢٣ 🇸🇦.
٩- مفاجأة حصرية لك 😉
بيكون فيه فعالية موسيقية كبيرة بإسم “ليلة تركي” تكريمًا للشاعر تركي بن عبدالرحمن 💚.
بتجمع الأمسية هذه ٥ مغنين يقدّمون أغاني من تأليف الشاعر تركي، وراح يتم الإعلان عن تفاصيل أكثر بتاريخ ١١ ديسمبر، يعني خلّوكم قريبين!