الدرعية

ليالي الدرعية ما مثلها ليالي

Avatar
بواسطة
ليالي الدرعية ما مثلها

ليالي الدرعية ما مثلها

مع بداية السنة الجديدة والأجواء الجميلة اللي جت معها جبنا لك مكان راح يخليك تعيش روقان مو طبيعي، لأن المكان اللي بنكلمك عنه اليوم خورافي والجلسات الليلية الشتوية فيه شيء من وحي الخيال.

ليالي الدرعية 

فتحت وحدة من أجمل مناطق موسم الدرعية وهي ليالي الدرعية، في هالمكان صدقني بتعيش تجربة استثنائية بفعاليات فريدة من نوعها، ولما نبدأ نتكلم عن الفعاليات لازم نبتدي بالأكل لأنه السعادة الأبدية ولا من فينا ما يحب يذوق أكلات جديدة وحلوة ولا يشرب حاجات دافية مع هالأجواء البادرة.

مطعام ومقاهي ليالي الدرعية 

في المكان مطاعم ومقاهي متنوعة ومن النوع الفاخر واللذيذ مرة، فوقها فيه عربات تقدم لك مأكولات ومشروبات راح تصنع يومك من كثر ما هي لذيذة.

ليالي الدرعية ما مثلها

فعاليات ليالي الدرعية 

طبعا الفعاليات الموجودة تناسب كل الأعمار يعني تقدر تاخذ معك أهلك وأطفالك لليالي الدرعية وتعيش معهم أجمل الأجواء بمشاهدة العروض الفنية والموسيقى الحية لنجوم الأغاني العربية في جلسات ليالي الدرعية، وإذا كنت تحب تتسوق ترى بالمكان أشهر المحلات التجارية يعني القهوة موجودة والأكل ينتظرك تطلبه تستمتع فيه مع مشاهدة العروض الفنية وتروق على بعض الأغاني العربية 🎼.

ليالي الدرعية ما مثلها

 

المكان يفتح من ٥ العصر إلى ٢ الليل وسط الأسبوع أما في الويكند يفتح من ٤ العصر إلى ٢ الليل، ومستمر إلى ٢٢ من شهر فبراير يعني مطول وتقدر تزوره أكثر من مرة.

عندنا أحساس أنك تحمست للمكان وودك تروح له من الحين عشان كذا جبنا لك رابط التذاكر اللي تقدر تحجز منه تذكرتك.

نتمنى لك أوقات ممتعة وجميلة وعاد لا تنسى تشاركنا تجربتك للمكان عبر هاشتاقنا #lovinsaudi 💚 

ليالي الدرعية ما مثلها

التسوق

إقرأ المزيد

المزيد مثل هذا