الرياض

بعيد عن البيك وكنتاكي .. 5 اقتراحات لمطاعم بروستد لذييييذه

loovinsaudi
بواسطة

إذا قلنا بروستد اول ما يجي على البال كنتاكي او مطعم البيك ..  وخصوصًا الأخير 😋 المطعم السعودي اللي وجباته تضل بنفس سعرها

وبنفس جودتها ولذاذتها مهما مرت عليه السنين وتغيرت عليه الظروف 💚 حقيقةً وكلمة حق المطعم هذا يحسسك بالفخر كونه براند سعودي ناجح بكل المقاييس. وإذا جينا نلتفت لبقية مطاعم البروستد الأخرى سواء محلية او عالمية “فرانشايز” فبلا شك فيه عدد من مطاعم البروستد يستاهل أننا نجربه لمرة واحدة على الأقل 😋 خصووصا لمحبين هذي الوجبة اللذيذة.

وفي لوفن السعودية دائما نحب نوافيكم بكل جديد وقديم .. وكل ما هو معروف وغير معروف 🥳 وبالذات في اقتراحاتنا للمطاعم دائما نستند على تجربتنا الشخصية وعلى قياس مراجعات الزوار بشكل عشوائي، لذلك إذا كان عندك رأي إضافي أو حتى مخالف (تجربة سيئة على سبيل المثال) في أي مطعم اقترحناه عليك .. بابنا دائما مفتوح ويرحب بملاحظاتكم ومشاركاتكم. 💚

  • ركن الأفندي

المعروف لا يعرف 😋 مطعم فنان يحسدونكم ياأهل الرياض عليه،  معروفين بلذاذة الشرمب والبروستد الحراق 🔥 أسعاره مناسبة وله فروع متعددة في الرياض.

https://twitter.com/alafandicorner/status/1111347625276686337?s=20

  • بروستد خلطة الشايب

الخيار الأول لكثيييير من الناس اذا جت على البروستد، وإذا ما قد جربته وتحب طعم البهارات يكون واضح خلطة الشايب راح يناسب ذوقك في الاكل، غير انهم متميزن بالفرايز عن بقية مطاعم البروستد.

https://www.instagram.com/p/BfoGTemDho4/?utm_source=ig_web_copy_link

  • مكشكش

تبي بروستد او مسحب خفيف وصلصة ثوم ما تغث؟ صدقني ماراح تلاقي الذ وافضل من بروستد مكشكش. مطعم نظيف وعلى لذاذته يستاهل يأخذ سمعة اكبر واكبر.

https://www.instagram.com/p/B-o5b6qgMLK/?utm_source=ig_web_copy_link

  • بروستد كاشو

منافس قوي لمطاعم البروستد، اسأل أي خبير بمطاعم البروستد المميزة واللي تستاهل في الرياض وراح يجاوبك بكاشو .. يتميز بصوص كاشو الخاص فيهم😋، مطعم يحيرك بأصنافة .. كلها تفوز وتستاهل التجربة.

https://twitter.com/casho_sa/status/1157908605858922496?s=20

  • تشكن باشه

براند قادم وبقوة، يقدم لك دجاج طازج من دجاج “اليوم” ويستخدم زيوت نباتيه غير مهدرجه وغير هذا طعمه ولا غلطة 👌🏽

التسوق

إقرأ المزيد

المزيد مثل هذا