تبي تفلها بالرياض أدخل هنا

يا هلا والله! الجو بالرياض هاليومين ما يتفوت، ومع برودة الجو موسم الرياض مولعها فعاليات نار! 🔥

إذا كنت محتار وين تروح هالويكند أو الأيام الجاية، وتبي شي يوسع الصدر، يضحكك، أو حتى يعيشك أكشن، حنا جمعنا لك “الزبدة” من جدول الفعاليات الجاية. القائمة هذي فيها الزين كله، من ضحك وطرب ومنافسات عالمية.

اربط الحزام.. وخلنا نبدأ! 👇

1. ودك تضحك من قلب وتغير جو؟.. مالك إلا “مسرحية الدور السابع” 🎭

تبي الصراحة؟ كلنا نحتاج نضحك وننسى هموم الدوام والروتين، وهالمسرحية جاية بوقتها بالضبط! القصة تدور في فندق غريب وتصير فيه أحداث أغرب بين الرعب والكوميديا، مواقف بتخليك تمسك بطنك من الضحك.

موصى به

أرهب 5 وجهات برية بالرياض 2026جاكم الفرج يا أهل غرب الرياضمخابز تستحق الزيارة بالرياض

ليش لازم تحضرها؟ بكل بساطة لأن الكاست اللي فيها “يفتح النفس”، وعلى رأسهم المبدع اللي ما يختلف عليه اثنين “إبراهيم الحجاج“. يا جماعة، إبراهيم صاير “ماركة مسجلة” حضوره على المسرح لحاله حكاية، يعرف متى يقط الذبة ومتى يخليك تدمع من الضحك بتعابير وجهه بس. وجوده في “الدور السابع” معطي المسرحية ثقل وكاريزما مو طبيعية، تحس إنه يلعب في ملعبه وبين جمهوره. باختصار.. إذا إبراهيم موجود، المتعة مضمونة 100%.

📅 الموعد: من 20 يناير إلى 24 يناير 2026. 📍 المكان: مسرح محمد العلي، الرياض.

2. الليلة اللي ينتظرها العالم كله.. Joy Awards 🌟

بكرة.. الرياض بتصير محط أنظار العالم! حفل “جوائز صناع الترفيه” هو الحدث الأضخم اللي يجمع نجوم الفن، السينما، والرياضة من كل مكان في العالم في سهرة وحدة. السجادة الخزامية بتمتلي أناقة ومفاجآت وتكريم للأفضل. إذا مالك في الروحة والجية، جهز قهوتك وتابع البث المباشر لأن التغطية بتكون خيالية، والحضور أساطير!

📅 الموعد: 17 يناير 2026. 📍 المكان: بوليفارد سيتي.

3. طرب ورقص.. سهرة هيفاء وهبي وأحمد سعد 🎤

للي يحبون السهر والأجواء “الفرايحية”، هالحفلة مكس عجيب! تخيل طاقة أحمد سعد وصوته اللي يهد المسرح، مع استعراض وحضور هيفاء وهبي. حفلة ما فيها “يا ليل يا عين” وبس، فيها تنكس ووناسة للي يبي يفلها صح.

📅 الموعد: 23 يناير 2026. 📍 المكان: مسرح محمد عبده أرينا.

4. لعشاق الأكشن والحماس.. WWE راجعة وبقوة! 🥊

جمهور المصارعة في السعودية موعودين بويكند تاريخي! WWE راجعة للرياض بحدثين ورا بعض، يعني الحماس دبل. بنشوف نجوم العالم في SmackDown ويوم بعدها على طول الحدث الكبير Royal Rumble. الأجواء في “المملكة أرينا” بتكون شيء خيالي، والصراخ والتشجيع بيوصل للسماء.

📅 الموعد: 30 & 31 يناير 2026. 📍 المكان: المملكة أرينا (Kingdom Arena).

5. لفة سريعة حول العالم في “بوليفارد وورلد” 🌍

طبعاً ما ننسى الوجهة اللي ما يُمل منها، بوليفارد وورلد. إذا ودك تتمشى، تتعشى، وتتسوق من ثقافات مختلفة في نفس الليلة، هذا مكانك. الجو هالأيام خرافي ويساعد على المشي في المناطق المفتوحة والاستمتاع بالتجارب الجديدة اللي أضافوها هالموسم.

📅 الموعد: مفتوح يومياً.

وبس خلاص كذا الزبدة صارت عندك بااااي