كيف تحافظ على طاقتك وصحتك تحت شمس الصيف الحارقة؟

الصيف رسميًا وصل، وصحتك أمانة في رقبتك!

إذا كنت كثير الحركة أو عندك مشاوير والتزامات برّا البيت، لازم تنتبه لنفسك في هالجو الحار. عشان كذا جمعنا لك نصايح تساعدك تحمي جسمك من ضربات الشمس والإرهاق  عسى الله يحفظك يا متابعنا العزيز 💚

كيف تحافظ على طاقتك وصحتك تحت شمس الصيف الحارقة؟

• خليك دائمًا مرتوي!

أول خطوة لحماية نفسك من حرارة الصيف تبدأ من الداخل، قبل ما نفكر في الجلد أو الحماية الخارجية.
مثل أي شيء في الحياة، الاستمرارية هي السر، خاصة لما نتكلم عن الطرق الطبيعية.

موصى به

اشتراطات جديدة على البقالاتأخبار عن نقل ملكية أندية الصندوقالهلال يبحث عن أول انتصار في مونديال الأندية

عشان كذا، لازم تحرص إنك تشرب كفايتك من الماء يوميًا، والكمية المناسبة تختلف حسب كتلة جسمك. ولا تنسى أطفالك — تأكد إنهم يشربون ماء بشكل كافي خلال اليوم.

ولو كنت من الناس اللي ما يحبون طعم الموية، تقدر تعوض هالشي عن طريق الأكل! ركز على الفواكه والخضار الغنية بالماء زي الخيار، البطيخ، الفراولة، والخس. هذه الخيارات مو بس منعشة ولذيذة، لكنها تحافظ على ترطيب جسمك لفترة أطول من شرب الماء لوحده، غير إنها غنية بالألياف… يعني فايدة مضاعفة: ترطيب + ألياف = 2 في 1! ولا تنسى تعويض المعادن اللي يفقدها جسمك مع العرق المستمر، خصوصًا في الصيف. تقدر تسوي هالشي بمشروبات مثل الأيران أو لبن مع ليمون ورشة ملح (بس لا تكثر!) عشان تعوض الصوديوم والمعادن المهمة للجسم.

• كثر من لبس الألوان فاتحة لكن بمادة “UV-blocking”

مو كل الملابس الفاتحة تحميك من الشمس مثل ما يعتقد البعض!

كثير ناس يظنون إن اللون الفاتح هو الخيار الأفضل لمقاومة حرارة الشمس، لكن الحقيقة العلمية تقول العكس أحيانًا.الملابس الفاتحة مثل الأبيض، الأصفر الفاتح، البيج، الوردي الباهت ممكن تسمح بمرور نسبة أكبر من الأشعة فوق البنفسجية (UV) خاصة إذا كان القماش خفيف أو رقيق أو غير مخصص للحماية من الشمس.

وعلى العكس، الألوان الغامقة مثل الأسود، الكحلي، الأحمر الغامق، والبنفسجي الداكن تمتص الأشعة وتمنعها من الوصول للجلد لكنها تسخن أسرع تحت الشمس.

الحل الذكي؟ لا تعتمد على اللون فقط… دور على الملابس اللي مكتوب عليها فعلًا “UV Protection” أو مصنوعة من أقمشة معالجة مثل polyester tightly woven أو nylon، حتى لو كان لونها فاتح زي الرمادي أو الأبيض.

كيف تحافظ على طاقتك وصحتك تحت شمس الصيف الحارقة؟

• تبريد نقاط النبض في جسمك

طيب… لنفترض إنك ما شربت مويه كفاية في يوم من الأيام، ولا أكلت اللي يحتاجه جسمك، وفوق هذا كنت لابس ملابس ما تحميك من الأشعة فوق البنفسجية وش تسوي لو بدأت تحس بتأثير الشمس عليك؟

أول خطوة: دور لك مكان بارد تقعد فيه مو بارد جدًا عشان جسمك ما يتعرض لصدمة، لكن يكون جوّه معتدل ومريح، لا حر ولا برد قوي.

ثاني خطوة: بدل ما ترش مويه على وجهك مباشرة (اللي ما يساعد كثير على تبريد الجسم من الداخل)، خذ قطعة قماش مبلولة بمويه باردة، وحطها على أماكن النبض في جسمك مثل:
المعصمين، خلف الركبتين، وعلى الرقبة.

ليش؟ لأن هذي المناطق تتحكم في حرارة الدم، وتبريدها يساهم في خفض حرارة جسمك بشكل أسرع من الطرق العادية — بإذن الله بتحس بفرق كبير في وقت قصير.

كيف تحافظ على طاقتك وصحتك تحت شمس الصيف الحارقة؟

• تجنب الكافيين المخفي في الشاي والمشروبات الغازية

لكل محب للقهوة والشاي… لازم تنتبه لصحتك، صدق! حتى لو كنت تشرب قهوة باردة أو آيس تي، للأسف كل هالمشروبات تحتوي على الكافيين واللي بدوره يسحب السوائل من جسمك. يمكن ما تدري، لكن كل كوب قهوة ممكن يخلّيك تخسر ضعف الكمية من الماء في جسمك!

عشان كذا، الأفضل إنك تقلل كمية الكافيين اليومية، ولو على الأقل تكتفي بكوب واحد في اليوم… كفاية والله 😉 (بس يبقى القرار لك، بالنهاية أنت حر!). ولو ما تقدر تستغني عن الطعم اللذيذ، فيه بدائل منعشة تساعد جسمك بدال ما تتعبه، مثل:
كركديه بارد، شاي نعناع، أو حتى نكهات خاصة للمويه تعطيك طعم كأنك تشرب عصير لكن بدون فقدان السوائل.الأهم؟ خلي جسمك مرتوي مو بس مزاجك!

كيف تحافظ على طاقتك وصحتك تحت شمس الصيف الحارقة؟

• تجنب تحط جل أو الكريمات الثقيلة نهاراً

الحمد لله، سوق منتجات الشعر صار متنوع جدًا، وما صرنا مضطرين نستخدم نفس المنتجات القديمة اللي متعودين عليها زي أنواع الجل العادية اللي تلقاها في البقالة أو عند الحلاق. الأفضل تبعد عنها، وكمان تبعد/ين عن بدائل الزيت أو الكريمات الثقيلة والمجففة. ليش؟ لأن هالمنتجات مو بس تضر شعرك وتخليه يتلف مع الشمس (كأنك حرفيًا “تشوي” شعرك تحت الحرارة!)، لكنها كمان تسد مسامات فروة الرأس، وتمنع تبخر العرق وهو آلية جسمك الطبيعية للتبريد.

وهذا الكلام ما ينطبق بس على الشعر، بل على البشرة بعد! لا تستخدم الفازلين أو الكريمات الثقيلة على وجهك، لأنها تسوي نفس المشكلة: تسد المسام وتخلي الجسم يحتفظ بالحرارة. الحل؟ راجع طبيب جلدية يعطيك كريم خفيف يناسب بشرتك، وطبعًا لا تنسى أهم خطوة: كريم الشمس!

كيف تحافظ على طاقتك وصحتك تحت شمس الصيف الحارقة؟

الصيف حلو لو عرفت تتصرف معه صح!☀️😎

لا تخلي الحر يوقفك عن مشاويرك ولا يفسد يومك الموضوع كله يحتاج شوية وعي واختيارات ذكية تخلي جسمك مرتاح، شكلك مرتب، وصحتك محفوظة.خفف الكافيين، رطب جسمك، اختار ملابسك بحكمة، وانتبه لمنتجات العناية اللي تستخدمها وبعدها؟ خلك جاهز تستمتع بالصيف بدون تعب ولا إرهاق!خلك ذكي وخلك منتعش! 💦🌿