الزحمة على موسم الرياض مالها حل.. لا تقول لي بداية الأسبوع او نهايته، الزحمة فيك فيك .. وهي شيء طبيعي ومتوقع، فعاليات جبارة مثل كذا اللي صعب تمر بدون ما تلقي عليها ولو نظرة عالماشي.

ولو انت مختم الموسم وودك تأخذ بريك وتستغل فضوة بعض المطاعم اللي كانت حجوزاتها عالية وانتظارها بالأسابيع بس بعد الموسم تقدر تدخلها بنفس اليوم؟

وصلت خير، انت بالمكان الصح.

• مامو مايكل انجلو

وهو مطعم فرنسي إيطالي من الطراز الريفي، تقول لي ديكور حلو؟ أجواء رايقة؟ خدمة ممتازة؟ أكل خرافي؟ سعادة لا توصف؟ كلها متوفرة في مامو، إلا السعر المعقول طبعًا، لكنه بدون شك يستاهل كل ريال ويستاهل تجربتك لو لسا ما جربته.

موصى به

مطاعم برجر لذيذة في جدةألذ كباب في الرياضإحدى مشاهير تيك توك تذكر أسباب حبها للعيش في السعودية

ومن خلال تجاربنا المستمرة له، وكنصيحة شخصية طبعًا، ننصحك بالتركيز على الاطباق الفرنسية إلا البيتزا والتيراميسو، نترك لك هنا موقع المطعم.

 

Voir cette publication sur Instagram

 

Une publication partagée par Mamo Michelangelo KSA (@mamomichelangeloksa)

•  سان كارلو شيكتي

باستا وزبدة وكريمة .. هذي هي الفكرة اللي ماشيه على أغلب المطاعم الإيطالية للأسف. ولأن كلنا نتفق بأن المطاعم الإيطالية كثيرة وتشبه بعض، هالمطعم بالذات ممن أندر المطاعم الخرافية في الرياض، حاول تتغاضى عن تلاصق الطاولات ببعض وحاول أن الفاتورة ما تكون كلها عليك، لأن الرافايولي راح تجيبك مره واثنين وثلاثة، نترك لك هنا موقع المطعم.

 

Voir cette publication sur Instagram

 

Une publication partagée par San Carlo Cicchetti Saudi (@cicchettisaudi)

• إل باريتو

أحد أشهر مطاعم لندن طل علينا بالرياض داخل مركز الملك عبدالله المالي، أكله لذيذ وجلساته الخارجية ولا أحلى .. وإذا أنت من عشاق البوراتا ٢٠٠٪ راح تعجبك عندهم، نترك لك هنا موقع المطعم

 

Voir cette publication sur Instagram

 

Une publication partagée par IL Baretto Restaurant (@ilbarettosa)

• فيلا بالما

مطعم متخصص بأكل البحر المتوسط، راح تحبه بكل جلساته حتى الداخلية منها ..لأن الجلسات الخارجية مصممة داخل ووسط المطعم، يعني باختصار لو تحب الاماكن الشرحة اللي تدخلها الشمس فترة النهار هالمطعم راح يعجبك أكيد.
مطعم لذيذ وراقي ويقدمون عروض موسيقية حية للزوار، مؤخرًا فيلا بالما صاروا يقدممون منيو “البرنش” والفطور. هنا نترك لك موقع المطعم

 

Voir cette publication sur Instagram

 

Une publication partagée par Villa Palma (@villa_palma)

• صبحي كابر

في مصر صبحي كابر اشهر من نار على علم، وهو فيه الذ من الاكل المصري ؟ رز بالشعيرية ومسئعة وحمام بالفريك ومحشي البصل والكوسة .. صبحي كابر معروفين أكثر شيء بالملوخية وحركة الملوخية 😂 ويقال بأنه أفضل مطعم مصري بالرياض. نترك لك هنا الموقع

 

Voir cette publication sur Instagram

 

Une publication partagée par مطعم صبحي كابر السعودية (@sobhykabersa)

في بالك مطعم يستاهل يكون في القائمة؟ لا تتردد في التواصل معنا.. فريق لوفن كله اذان صاغية، بشرط تعزمنا عليه، عشان التقييم لا أكثر ولا أقل…🏃🏻‍♀️