أماكن تحتفل فيها بعيد الأضحى 2025 بالرياض

العيد قرّب، والله يتممه عليك بالخير! وبعد الذبايح والمعايدات، أكيد ودك تكمل فرحتك بجو مميز وتعيش أيام العيد على أصولها. عشان كذا، جمعنا لك أماكن وفعاليات تقدر تبدأ فيها جدول العيد وتخلي إجازتك أحلى!

أماكن تحتفل فيها بعيد الأضحى 2025 بالرياض

• جولة نص يوم في قلب الرياض

إذا ودك تعيش تراث الرياض وتتعرف أكثر على تاريخها، فيه جولة ثقافية بتاخذك في جولة سريعة وممتعة. تبدأ من سوق الديرة المعروف، وتاخذك بعدها لقلعة المصمك، المكان اللي بدأ منه الملك عبدالعزيز توحيد المملكة في 1902.

موصى به

مكة المكرمة قلب التنوع الإسلامي في العالممنى أكبر مدينة خيام بالعالم!لوريال سوّت شي ما قد صار بالسعودية! أول قمة للعناية بالبشرة تجمع أكبر الأسماء في صناعة الجمال 

هذه الجولة تعتبر من أفضل خيارات العيد حسب موقع Platinumlist، وتعطيك لمحة جميلة عن تاريخ المدينة. تجربة قصيرة بس غنية 👌

• أكيد البوليفار سيتي خيار ضروري

تخيل أجواء العيد في البوليفارد! كل ليلة راح تزين السماء بعروض ألعاب نارية وعروض طيارات الدرونز تبدأ بالضبط الساعة 9، ومع فعاليات متنوعة من 4 العصر حتى 2 الفجر 🎇

أماكن تحتفل فيها بعيد الأضحى 2025 بالرياض

• قرية أشيقر التراثية

بتبعد شوي عن الرياض؟ ممتاز!
خذ لك مشوار لقرية أشيقر، اللي تحتفظ بروح نجد القديمة ومبانيها الطينية الأصيلة.
تقدر تتمشى في أزقتها، تزور المساجد القديمة وتشوف مجموعات تراثية خاصة ما تلقاها إلا هناك.

ولا تنسى تختم زيارتك بغدا تقليدي في مطعم شعبي يفتح النفس 🍽️

أماكن تحتفل فيها بعيد الأضحى 2025 بالرياض

• يو ووك الرياض

مطاعم كافيهات في أحد أبرز أماكن تغيير الجو بالرياض وهو المكان الأنسب لو كان يومك حافل وتبي شيء أبسط وخفيف لطيف فيو ووك هو المكان المناسب لك✨

• حافة العالم أو وادي حنيفة أو حتى منتزة البحيرات

اللمة العائلية أحيانًا أحلى من أي فعاليات والأماكن الطبيعية هذه تقدر تجيب العائلة كلها أو حتى أنت وأصدقائك وتروحوا تتكوا تكوه عيدية ترد الحياة عشان ترجعوا للدوامات بمزاج وروقان 😍

عيدك في الرياض بيكون غير إذا خططت صح. احفظ القائمة، وشاركها مع اللي ودك تطلع معهم 💚