ياكثر الأوقات اللي ننكتم فيها بالمكتب ويضيق خلقنا من الجلسة فيه لأن الشغل ما هو راضي يخلص .. وياكثرها الأيام اللي ما قدرنا نخلص فيها الا تشابتر واحد وقررنا نكمل الدراسة برا الغرفة لعل وعسى المزاج والنفسية والمخ يفتح!

ويقال بأن المكان الزين اللي يفتح النفس والأجواء المحفزة للعمل تساعد على الإنتاجية والتركيز، كل اللي عليك أنك توفرها لنفسك .. او تتوجه لها 😎 حاليا الرياض امتلت من المقاهي بشتى أنواعها، وما تميزت بأنواع القهوة وبس! ولكن حتى في تهيئة المكان لفئة العميل نفسه، اغلب رواد المقاهي هم أصحاب الدوامات والعمل والدراسة، فبدال ما تأخذ قهوتك وتمشي، التوجه -اللي مب جديد ابد على المقاهي- أنهم يوفرون لك المكان المناسب اللي تأخذ فيهه قهوتك وتجلس تصحصح وتشتغل عندهم 👌🏽️

فإذا كنت مهتم تعرف اقتراحتنا بهذا الخصوص، احنا مهتمين أكثر بمعرفة اقتراحاتك، شاركنا في لوفن السعودية رايك وتجربتك لأفضل مقهى للأعمال والدراسة. 🙏🏼

موصى به

ألذ مقلقل في الرياضأفضل 5 مولات للمشي بالرياضألذ ماتشا في الرياض

• Draft

المقهى المحبب والمفضل لأصحاب الأعمال 😎💼 في حال كان الشغل خفيف وحاب تنبسط وماتقضي الوقت شغل بشغل، ننصحكم بتجربة فرع السفارات الجديد بجانب هيئة السياحة الأجواء هناك وخصوصا بهذي الفترة من السنة حلوه وهواها عليل. 🍂

https://www.instagram.com/p/CE9ANMUAvad/?utm_source=ig_web_copy_link

• FOCUS

المقهى واضح من عنوانه 👌🏽 رايق ويوفر غرف مخصصة للأعمال وغرف مخصصة للاجتماعات، أجواءه بشكل عام جدا تحفز للعمل والدراسة. 😍

https://www.instagram.com/p/Bz58beYBpb9/?utm_source=ig_web_copy_link

• The Page Café

واحد من القاهي المميزة للعمل فعلًا! سبورة؟ شاشة؟ خصوصية؟ قهوة لذيذة؟ كل شيء تحتاجه للانجاز بيكون عندهم!

https://www.instagram.com/p/CDvY7S6HrP7/?utm_source=ig_web_copy_link

• زمكان

من المقاهى الجديدة والكبيرة اللي تستهدف فئة الناس الشغيلة، توفر غرف للمذاكرة والاجتماعات ومهيأ بشكل جميل لهم.

https://www.instagram.com/p/CGHifAHBSpT/?utm_source=ig_web_copy_link

• Homies

مكان دافئ..  كبير وبديكور انيق جدا ويقدم قهوة لذيذة .. وسواء كنت جاي تشتغل او تستمتع بكوب قهوه راح يعجبك المكان.

https://www.instagram.com/p/CB8l3vPB2Ks/?utm_source=ig_web_copy_link