الرياض على وشك تكون مدينة القهوة! ☕

اليوم صرنا نعيش مرحلة نسمع فيها بشكل دوري عن افتتاح كافيه جديد بكل منطقة من مناطق الرياض.

والحقيقة، هذي القائمة هي أحد القوائم اللي اعتمدنا فيها بشكل مباشر على تجارب الزوار المتعددة وآرائهم اللي تتفق على مكان أكثر من غيره ??‍♀️ الجلسة، الديكور وأجواء المكان ومنيو الحلى طبعًا! كل هذه الامور أخذناها بعين الاعتبار أكثر من أي معايير أخرى، فغالبًا.. هنا بتلاقي المقهى اللي دايم يقترحه عليك صديقك لطلعة رايقة و”لذيذة”

موصى به

أحلى هوت تشوكلت بالرياضفاكهة التمر هي بديل للكراميل في عالم الصحةإحدى مشاهير تيك توك تذكر أسباب حبها للعيش في السعودية

١-إيرث كافيه Urth Caffe

المكان اللي يقدم لك ألّذ ” بيكان تارت” ? منيو متنوع ولذيذ جدا للقهوة والحلى، يشتهر بالسبانش لاتيه ولو كنت حاب تغيّر عن الطعم المعتاد..جرب “Green tea latte”.. ملاحظة: قد يروق جدا للنباتيين والمهتمين بالأكل الصحي! وللمقهى فرعين: السليمانية و في عود سكوير.

٢- ليتو L’ETO

مقهى لندن الشهير ♥️خدمة فوق الوصف في مكان رايق وديكوره جميل مثل ليتو، مشهور بكيكة العسل وكيكة الحليب? القهوة ممتازة وبالأخص سبانش لاتيه، سواءً كنت تفضله حار او بارد! الموسيقى في المقهى هاديه ولطيفة ? والاسعار مرتفعة نوعا ما. له فرعين حتى الآن، في التحلية وعلى الدائري الشمالي.

٣-كاف كافيه CAF Cafe

من الكويت للرياض..? قهوة مختصة مضبووطه جدا خصوصا “dutch brew” الكوفي اللي متميز فيه عن بقية الكافيهات. البعض ممكن يلاقي الفرعين صغار وجلساتهم محدودة، لكن قهوة مثل “Iced Red velvet ” و “Con Helado ” تستاهل التجربة وأكثر? للمقهى فرع في تركي الأول وآخر بالرياض بارك.

٤- أكسير البن Elixir Bunn

من أوائل من اهتموا بالقهوة المختصة في الرياض ♥️ رؤية واضحة ومميزة لنوعية القهوة اللي يقدمونها في مكان كلاسيكي مناسب ومحفز للعمل والدراسة من خلاله. المكان عبارة عن محمصة ومقهى في الوقت نفسه للعوائل والافراد، موقعه في شارع سالم بن معقل حي النخيل.

٥- بتيل Bateel

غني عن التعريف، مثالي لطلعة قهوة خفيفة. القهوة العربية عندهم مضبوطة.. بتيل مشهور ببودنج التمر? لذيذ❤️ وللمقهى أكثر من فرع في الرياض، فرع العليا جميل، يوفر جلسات خارجية رايقة للعائلات والافراد، وآخر فرع افتتح لهم في الرياض بارك.

٦- لا دوريه Ladurée

مقهى فرنسي راقي، اجواءه لطيفه وما فيه احد ينافسه بالماكرون? موقعه الرئيسي في سنتريا مول، العليا.

٧- مادلين Madeleine

مطعم في البوليفارد، ممتاز في كل شيء، يقدمه، الخدمة والاكل وحتى منيو القهوة والحلى متنوع ولذيذ جدا✨ جرب “Bread pudding”? جلساته الخارجية رايقة ويشمل العوائل والافراد.

٨- خطوة جمل Camel Step

المكان الصحيح لكوب قهوة فاخر، عدد من مقاهي الرياض تستخدم البن الخاص بمقهى خطوة جمل ? دلالة جودتها وطعمها? موقع المقهى على طريق أبو بكر الصديق.

٩- نوفمبر كوفي coffee November

لو كانت حاب تقرأ، تدرس او تشتغل في جو رايق برفقه كوب لاتيه لذيذ، نوفمبر كافيه هو المكان المناسب وخصوصا في وقت الصباح ? مكانه في حي النزهة في فندق رفاء.

١٠- “سَم بلس ثنقز” Sum+Things

من أجمل مقاهي الرياض.. تصميمه مميز، ولو تحب “Crème brûlée” او “tiramisu” احتمال كبير تعجبك هناك! المكان عبارة عن مقهى ومطعم ومتجر لقطع ديكور في الوقت نفسه، ويشمل العوائل والافراد ومناسب لذوي الهمم ? موقعه في مجمع بوليفارد بجانب فايف قايز.

١١- كويارد COYARD

مقهى كلاسيكي هادي، ومحمصة في الوقت نفسه. أسعاره معقولة جدا ومشهور بقهوة “cortado” و “Ethiopian black coffee” ? ويشمل العوائل والأفراد، موقعه على طريق الملك عبد العزيز.

١٢-سلالات القهوة varietalcafe

قهوة مختصة ومكان لطيف يحتوي على الموسيقى? خيارات متعددة في منيو الحلى واسعاره متوسطه. يوفر جلسات خارجية لكل فرع ويشمل العوائل والافراد، الفرع الاول في حي الصحافة على طريق الملك عبد العزيز، والثاني في الرياض بارك.

١٣- وايت قاردن White Garden

مطعم يفتح النفس في كل فروعه، ديكور راقي وجميل والقهوة العربية عندهم لذيذة جدا جدا? منيو الحلى متنوع ولذيذ..طب واختار? فرع في روبين بلازا “لاونج” وفرع في العليا وفي حياة مول.

١٤- ١٢ كوبز 12 Cups

مقهى يبيع لك القهوة ومعداتها! قهوة مختصة طعمها بالراس، جرب اللاتيه او “flat white” كخيار آمن او “French vanilla” لو تحب الحالي?. للمقهى فرعين، في البوليفارد وعلى طريق الملك عبد العزيز.

١٥-كوب النخبة Elite cup

باردة طلبتها او حارة، في هذا المقهى بالذات راح يكون كوبك لذيذ كيف ما اخترته.. أسعاره مناسبة ومعقولة جدًا، مكانه في حي المرسلات ولا يشمل العوائل، فقط افراد.

١٦- هاف مليون

قهوة “Signature” الباردة او الحارة عندهم لا تقاوم? للمقهى اكثر من فرع في الرياض، المعروف منهم فرع الرياض بارك وفرع التحلية.

١٧-عنوان القهوة AddressCafe

مقهى يستاهل باختصار? رائع في كل شيء الجودة والاسعار والخدمة? قهوة “Iced pistachio latte” لا تقاوم، وحتى البستاشيو كوكيز لذيذذذه جدا❤️ فروعه بالرياض كثيره مابين كشك ومقهى.

١٨- الكنغر الذهبي Golden Kangaro

كورتادو او فلات وايت وانت ماشي..? قهوة مختصة مستخدمة من محمصة استرالية، جلساته ملمومة وتصميم المقهى بسيط ومميز، تقديمهم للحلى ملفت والطعم يستاهل التجربة، موقعه في شرق الرياض، شارع عنيزة.

١٩- دوبيو كافيه Doppio Caffe

وش ننصح وش نخلي؟? بلا مبالغة كل شيء رهيب في هذا المقهى? من الديكور لأنواع القهوة اللي يقدمها للخدمة والجلسة الرايقة، مناسب للعمل والدراسة. فرع العليا يشمل العوائل فقط، أما فرع طريق الملك عبدالله العكس?

٢٠- كوفي تيل Coffee Tale

قهوة مختصة للافراد بس، اما العوائل فمسموح لهم وقت الصباح فقط، وما يوفر جلسات خارجية، لكن المكان جميل دافي وشرح? قهوتهم ممتازة بمستوى جودة الحلى، موقعه في عثمان بن عفان.

٢١- برو كرو Brew Crew

مقهى الطلاب والقراء، من الأماكن اللي حافظت على مستواها الممتاز والطعم اللذيذ للقهوة المختصة وسط خدمة ممتازة وديكور بسيط مريح للعين، ننصحك بـ “Spanish latte” ولا يشمل إلا الافراد، موقع الكافيه في حي المغرزات.

٢٢- لي دور كافيه Le D’or

تقديم القهوة والحلى في “لي دور” يشهي ويستاهل التجربة? الكابتشينو والقهوة العربية واكثر من صنف قهوة عندهم رائع، اما افضل طبق حلى متعارف عليه عندهم هو كيكة التمر بالكراميل? موقعه على طريق تركي الأول.

٢٣- نبت فنجان NabtFenjan

تحس انك في بيتك? جو المقهى رايق على الآخر وقهوتهم مميزة جدا، أسعاره متوسطة إلى مرتفعة ويشمل العوائل والأفراد. مكانه على طريق عثمان بن عفان.

٢٤- أُنس Ons Coffee

واحد من افضل المقاهي المختصة في شرق الرياض، قهوته قوية وطعمها ثقيل، يشمل العوائل والافراد. مكانه في حي الريان.

٢٥- دوز كافيه Dose Cafe

كافيه كويتي غني عن التعريف?اغلب المشروبات الباردة عندهم لذيذة? موسيقى المقهى عالية والاسعار معقولة. وله فرعين بالرياض حتى الآن، على شارع أنس بن مالك وفي الرياض بارك.