عد من الأفكار لمسابقات للعيد

جلسة العيد مع العائلة من أحلى الأمور وأجملها، وجهزنا لكم قائمة لكم فكرة لمسابقات وألعاب اللي تقدرون تجهزونها لعائلاتكم، وتضيفون للعيد متعة أكثر

وهذي مجموعة من الأفكار لمسابقات للعيد 

مسابقة البالونات 

هي مسابقة حلوة ومناسبة للكبار وللصغار، وتكون بنفخ عدد من البالونات، وتخلي في كل بالونه حاجة معينة، يعني زي فلوس أو هدية بسيطة، وتخلي كل شخص يغمض عيونه ويختار له بالونه و اللي موجود فيها يكون من نصيبه.

لعبة الكراسي

من أقدم الألعاب وأجملها، وهي انك تحط الكراسي بشكل دائري وتنقص كرس واحد عن عدد اللي بيلعبون، وتشغل مقطع وأول ما يوقف الكل يجلس و إلي ما يلقى كرسي فاضي يطلع من اللعبة وننقص كرسي وعلى هذه الطريقة لين يفوز واحد

موصى به

التوأم السعودي يحتفلان بتخرجهم بعد حفظ القرآن الكريمالطائرات تحقق إنجازات جديدةتركي آل الشيخ يكشف تفاصيل موسم الرياض بنسخته الجديدة

مسابقة قوة الذاكرة 

وهذي المسابقة تعتمد على الحفظ السريع، مثلا تقول لهم بيت شعر وتكرره مرتين و اللي يقدر يعيده تكون له نقطة، ومثال ثاني بعد تقدر توريهم صورة لمدة ٣٠ ثانية بعدها تسألهم سؤال عن الصورة.

تحدي الرسم 

وهنا لازم يكون عندك صبورة، وتقسمهم لفريقين وفي كل جولة يطلع لاعب ويرسم الشي اللي تطلبه منه، مثلا يرسم شعار نادي وعلى فريقة يعرف من هذا النادي في دقيقة وحدة.  

مسابقة تخمين الاسم

تطلب من كل اللي بيلعبون يكتبون لهم أسامي مستعارة ولا تخلي أحد يعرف أسم الثاني، بعدها تمشي الورقة على الكل وعليهم يتوقعون مين صاحب هذا الاسم المستعار، و اللي ينكشف يطلع من اللعبة، والفائز هو الي ما يتعرف عليه أحد 

مسابقة مين برا السالفة 

وهذي المسابقة تقدر تحملها من جوالك عن طريق المتجر، وهي عبارة عن موضوع يتفقون عليه كل اللي بيلعبون، وتمشي الجوال عليهم كلهم، ويشوف كل واحد الموضوع الي راح يسألون عنه، إلا واحد بيجيه انت برا السالفة، بعدها كل شخص يسأل الثاني لمدة دقيقه واحدة، ومن اسئلتهم يكشفون الشخص إلي برا السالفة، اذا ما عرفوه يفوز بالنقاط، واذا عرفوه يكون له فرصه يعرف الموضوع اللي يتكلمون عنه عشان ياخذ النقاط، وأقل شخص جمع للنقاط يعاقب.

تعرف على الشخصية

 تسوي مجموعتين للموجودين، وتخلي كل جولة واحد يطلع من كل فريق ويلصق على جبهته ورقه فيها اسم الشخصية، وعنده دقيقة يسأل فيها فريقه ومن اسئلته يحاول يعرف الشخصية، تشبه للعبة المارد الأزرق، والفريق الفائز يعاقب الخاسر