إذا تحس إنك جرّبت كل شيء بالرياض وطفشت من الروتين أو تبي تجرب أشياء جديدة وغريبة مع أصحابك فهذه قائمة غريبة شوي بس ممتعة بطريقة ماتتخيلها.

١. بيت السينما (Cinema House):
من برّا تشوفه بيت عادي بس أول ما تدخل تنصدم! المكان كنه سينما خاصة داخل بيت والإضاءة والديكور والنظام كأنك بفيلم فعلي، اللي يميز بيت السينما إنه يعطيك تجربة فخمة ومريحة تقدر تحجزه أنت وأصحابك وتتفرجون براحتكم بدون إزعاج ولا زحمة واللي يخلي المكان غريب فعلاً هو الدمج بين جو البيت والسينما يعني تحس إنك بسهرة بيتية بس فيها شاشة عملاقة وصوت محيطي.

@ishayma_ my favorite kind of escape 🍿🎬 #بيت_السينما #فلم_اسعاف #سينما #الرياض #riyadh ♬ Sogni ancora – Piero Piccioni

موصى به

التكنولوجيا تُغير ملامح السياحة في السعوديةتعاون فني مبتكر بين IQOS والمبدع الإيطالي ستيفانو سيلِتي في ميلانوالفرص حوالينا بس مين يلقطها

٢. كوفي دهماء:
الكوفي جمع شيئين ما قد شفناهم مع بعض القهوة وورشة النجارة! المكان فيه كراسي وطاولات من صنع يدوي وفيه ركن نجارة تقدر تعيش تجربة النجارة صح، وريحة المكان مزيج بين البن والخشب، التجربة فنية أكثر من كونها بس مشروب وتحس إنك دخلت عالم.

@baderals94 قهوة دهماء #جديد_الرياض #explor #قهاوي_الرياض #الدرعية ♬ الصوت الأصلي – عبدالكريم الفيصل

٣. متحف السعادة:
اسمه متحف بس ما فيه لوحات ولا آثار هو عبارة عن غرف تفاعلية مليانة ألوان وألعاب وتصوير وتحس إنك دخلت حلم، اللي يخلي المكان غريب إنه مو مخصص لفئة عمرية معينة الأطفال ينبسطون والكبار بعد، المكان مناسب جدا لمحبين تصوير العشوائيات.

@gift4u_ المتحف يجنننن ممتع بشكل 🤣🤣 حبيت مره و الاطفال انبسطوو بشكل كبير كان يوم من اجمل ألايام #يوميات #فلوقات_تيك_توك #متحف_المتعه #اماكن_الرياض #مطاعم_الرياض #الشعب_الصيني_ماله_حل😂😂 #بارك_أڤنيو_الرياض ♬ YAMORE (Afro House) – F4ST & Cornetto

٤. غرفة الهروب (Escape Room):
هذا المكان كأنك داخل فلم تحقيق أو جريمة، تدخل مع أصحابك غرفة مقفلة وتبدأ تحل ألغاز وتدور على المفاتيح وتفك شفرات عشان تطلع قبل ما يخلص الوقت، الفكرة بحد ذاتها ممتعة تحس إنك تعيش مغامرة واقعية والضغط والتوتر يخليك تصارخ وتضحك بنفس الوقت، بعض الغرف فيها أصوات مرعبة وأحداث مفاجئة كأنك في مشهد من فلم، تجربة ترفع الأدرينالين وتنشط عقلك .

@mesharifahadms لقيت جدولك في الرياض بالعيد حل الغاز الغرفة ولاتروح عليك🚶🏻 Unknown – Escape game #جدول #العيد #العاب كود الخصم بحط لكم اياه ms15 @UnknownRoom ♬ الصوت الأصلي – DBOMIX

الرياض مليانة أماكن كثيرة وكلها تفتح النفس بس لو طفشت وتبغى تعيش تجربة جديدة فيها طابع غريب ومختلف جرّب هالأماكن يمكن تلقى نفسك فيها أكثر من الأماكن العادية وإذا تعرفون أماكن أكثر غرابة شاركونا