قائمة أجمل الحدائق في الرياض

الأجواء هالأيام تجنن ماشاء الله تبارك الرحمن وأخيرًا جتنا هالسحب الجميلة ولا يا أهل الرياض ؟ وأكيد الكل بيصير وده يطلع وللي عنده إلتزامات ما يقدر يروح البر ولا يروح يكشت يبي لك مكان مناسب حتى تستمتع بهذه الأجواء والبر المبسط هو الحدائق العامة اللي الحمدلله موجوده في كل منطقة فالسعودية والرياض العاصمة فيها شتى أنواع الحدائق الجميلة، وفي هذه القائمة بنعطيك 5 من أحلاهم حتى تقتدر تستمتع بالجو في الحديقة اللي جنب بيتك أو حتى بعيده عنك بس 10 دقائق!🥰💚

قائمة أجمل الحدائق في الرياض

5.   وادي حنيفة 

المعروف لا يعرف هذه الحديقة المقصد لأغلب العوائل السعودية والغير سعودية فيها تجمع جميل ومتنوع من الناس، ومكان شواء ممتاز أو جمعة أهل أو أصحاب فعليًا وادي حنيفة هو أحد أجمل الأماكن في الرياض حتى الواحد يستمتع بالأجواء الرهيبة هذه 😍

موصى به

قائمة أجمل الحدائق في الرياض إنخفاض قوي في معدل البطالة في السعودية من جمال غروب حائل قالوا عنه فوتوشوب

4.   حديقة الملك عبدالله

حديقة جميلة وقد تكون قريبة لبيت ناس كثير ومكانها يسمح لك تشوف كل اللي حولك وأنت ما زلت ف المدينة فلو تحب تستمتع بالأجواء وبالمدينة حديقة الملك عبدالله لازم تكون وجهتك ✨💚

قائمة أجمل الحدائق في الرياض

3.   حديقة السويدي

تتميز حديقة السويدي بأنها مليانه فعاليات وإنها واسعة جدًا وفيها العشب والكراسي مثل أغلب الحدائق في هذه اللسته ولكن اللي يخليها تاخذ المركز الثالث بيكون لتعدد الفعاليات فلو أنت تحب أجواء الفعاليات الكثير أكيد أن حديقة السويدي بتسر خاطرك ، بتستمتع بالجو وبالفعاليات 🤩

2. منتزة السلام

من أقدم ولكن أجمل الحدائق في الرياض مميزة في كل خصالها تعطيك جمال الماء وجمال الطبيعة وفيها بعد بط في البحيرة فتخيل نفسك قاعد مستانس بالجو وبنفس الوقت راكب قارب أو تعطي خبز للبط والمميز بعد هو أن حتى البسس في الحديقة هذه جميعهم هادئين و أليفين 🥹💚

1.   حدائق وبحيرات الحائر 

في أحد السنوات الماضية اشتهرت حدائق الحائر بشكل كبير وإذا تعرفها بتكون ما تبينا نكتب عنها حتى ما تزدحم أكثر من كثر جمالها ماشاء الله تبارك الرحمن وهي مكان مميز جدًا للعائلات وبالعادة كثير يروحون لها بدون هالأجواء الحلوه فما بالك بالوقت الحالي مع هذه الأجواء الفنانة 😍

قائمة أجمل الحدائق في الرياض

هذه فقط 5 من أشهر الحدائق في الرياض وبإذن الله إنك بتستمتع بالأجواء حتى وأنت مداوم ومضغوط لأن مناظر زي اللي نشوفها حاليًا شيء خيالي وين ما كنت ولكن حلو تشوي فيها فهذه القائمة بتلهمك 🤗