رمضان هو الفرصة الذهبية لرجعة روح العائله في وسط زحمة الحياة وصخب الأيام وسرعة الروتين اليومي ننسى أحياناً معنى الجلسة الحقيقية مع الأهل  ننسى لذة السوالف العفوية وضحكة اخوانك ومزحة أمك ونظرة أبوك اللي فيها رضا وراحة يمر علينا اليوم كله مشغولين وكل واحد في عالمه جواله بيده وروتين الأكل والنوم والشغل والدراسة مسيطر على تفاصيلنا لين يجي رمضان ويرجع يذكرنا إن الحياة أبسط من كل هذا وإن العائله هم الأمان والونس وكل الشعور الحلو اللي يريح القلب

رمضان مو بس صيام عن الأكل والشرب رمضان هو صيام عن الانشغال عن بعض هو لحظة نعيد فيها ترتيب أولوياتنا ونقرر نرجع نقرب من الناس اللي فعلاً لهم قيمة كبيرة في حياتنا تخيلوا لو قررنا نرجع نجتمع قبل الفطور بوقت كافي نحضر السفرة سوا ونساعد بعض ونضحك ونسولف ونخلي كل شي حولنا ساكت عشان نسمع بعض تخيلوا لو طفّينا الجوالات من قبل الأذان بربع ساعة إلى بعد الصلاة  وركزنا بس في التفاصيل الحلوة حوالينا نظرات بعض وضحكات بعض وحمد الله على النعم اللي بين يدينا.

@the.masgathering رمضان أحلى مع جمعات الأهل والأصدقاء 🌙♥️!#رمضان_يجمعنا #غبقة #رمضان_كريم #الرياض ♬ الصوت الأصلي – AS | STORY 🖤🎶

موصى به

العود السعودي عبير الأصالةكيف نعيد روح العائلة في رمضانالأنشطة الرمضانية للأطفال

تخيلوا لو صارت لنا جلسة يومية نحكي فيها عن قصص زمان وأيام رمضان أول وكيف كانوا أهلنا يعيشون أجواءه قبل ولو قررنا نخلي لنا مشروع خير نسويه سوا كعائلة نفطر عمال أو نوزع صحون بسيطة للجيران أو حتى نكفل عائلة محتاجة بيكون الإحساس مختلف وأحلى لما نسويه مع بعض.

@ran.179 #اكسبلور #رمضان_كريم #افطار_الصائم ♬ الصوت الأصلي – rAn.179

ولو ختمنا كل هذا بختمة قرآن  نوزع أجزائه بيننا ونشجع بعض عليه ونحسب الأيام ونعد الأجزاء ونختم رمضان وإحنا مسوين شيء كبير مع بعض بيبقى أثره معنا طول العمر.

رمضان فرصة ما تتكرر كثير ولو ضاعت أيامه بدون ما نستغلها صح  بنندم. لأنه مو بس موسم عبادة هو موسم حياة وعائلة ولمّة وسلام داخلي وأمان

كيف نعيد روح العائلة في رمضان