Loyal Lovin readers can support Lovin so we can continue to share the stories of all amazing cities
Minimum custom amount to enter is AED 2
By donating, you agree to the Privacy Policy and Terms of Service
رأي: هل نضغط على المسلسلات والأفلام السعودية ونخليها تقاطع نتفليكس؟
صرنا نشوف أفلام سعودية على نتفليكس، والناس انقسمت ما بين اللي فرحان مبسوط مفتخر، وبين اللي مستاء ويعتقد بأن الأفلام السعودية ما المفروض تكون موجودة بمثل هالمنصات اللي تعرض مشاهد إباحية ومخلّة وفوقها تعرض أفلام أبطالها مثليين.
الموضوع ما وقّف لهنا.. لو تذكرون لحظة إعلان تواجد إحدى الأعمال السعودية على منصة نيتفلكس، كان فيه ناس وبشكل ملحوظ يعبرون عن استيائهم بهالخبر.
فالسؤال هنا.. هل فعلًا لازم ما نتواجد على نتفليكس؟
موصى به
الرياضة المجتمعية: ركيزة رئيسية لرؤية السعودية 2030
رأي: أثر التغيرات الإقتصادية في الضرائب والمشاكل الناتجه منها
رأي: مسلسلات الجرائم.. قوة جذب تظهر حقيقة المشاهدينخلونّا ناخذها حبة حبة.. ونبدأ بشوية أرقام
في عام 2016، أطلق نتفليكس حوالي 126 عمل أصلي = أكثر من أي شبكة أو قناة كابل تلفزيونية!
في شهر يوليو 2020 نتفليكس وصل لأكثر من 193 مليون مستخدم في 190 دولة!
تذكروا إن كل هذول دافعين علشان يتابعون! هذي خدمة مدفوعة وفيها كل هالأرقام الضخمة!
خلونا نقلب السؤال: إذا ما دخلت الأعمال السعودية نتفليكس ايش راح يصير؟
الجواب: ولا شيء! لمّا منصة تنجح وتكسّر السوق بدونك، فاستمرار عدم وجودك ما راح يأثر.. بينما وجودك هو اللي ممكن يأثر!
ممكن أحد فيكم يسأ ويقول: تبي تقنعني أنه إذا فيلم أو مسلسل سعودي صار موجود بنتفليكس راح يأثر على نتفليكس؟
أي نعم، فيه شيء اسمه نظرية النعامة بإختصار النعامة تهرب من الخطر بطريقة أتوقع كلنا متفقين على الأقل إنها طريقة غير ذكية.. النعامة تنزّل راسها وتحسب إنها أختفت وصارت غير موجودة وبالتالي زال الخطر.
أتوقع تعامل البعض اليوم مع نتفليكس فيما يخص تواجد الأعمال السعودية من عدمها يشبه تعامل النعامة مع الخطر.. تجاهل نتفليكس لا يعني إن خطر نتفليكس زال، نتفليكس موجود طالما الناس جالسة تشترك وتدفع وتتابع، أنت اللي غير موجود لمّا ما تكون موجود بهالمنصة العالمية!
تغيّرت قواعد اللعبة!
أغلبنا كان يا يتابع عمل عربي أو انجليزي.. يعني إذا جينا نتابع شيء خارج عن محيطنا فأفلام هوليوود والأعمال الإنجليزية عمومًا هي محطتنا. وأعتقد العالم كله مو بس حنا، ففي كل شيء اللغة الإنجليزية هي خيارنا الثاني وأحيانًا تكون الأول.
بس اليوم المعادلة تغيّرت ومسلسل البروفيسور “لا كاسا دي بابيل” أكبر دليل!
نتفليكس غيّر المعادلة، أنت مشترك بمنصة فيها أعمال من كل أنحاء العالم.. العمل الأكثر متابعة هو العمل الأفضل، ممكن تلاقي نفسك تابعت عمل اسباني أو كوري أو أي لغة أخرى.
بأكثر من 20 لغة.. المنافسة احتدت لمصلحة المسلسلات والأفلام!
تخيّل معاي تلاقي عمل سعودي وعلى يمينه مسلسل “لا كاسا دي بابيل” وعلى يساره مسلسل “بريسون بريك” ما تتوقع هالشيء برفع من مستوى الأعمال السعودية؟
بدل ما أنت جالس تنافس الأعمال السعودية الأخرى فقط، أنت بتنافس كل المسلسلات العالمية لأنك صرت معهم في منصة وحدة، في منصة اشترك ودفع فيها 193 مليون شخص يدور أعمال رائعة يتابعها.
هالسنة فقط شفنا عدد لا بأس فيه من الأعمال على نتفليكس، منها مسلسل وساوس واللي يعتبر أول عمل دراما وتشويق سعودي من مسلسلات نتفليكس الأصلية. طيب تدري أنهم موفرين لهالمسلسل ترجمة لأكثر من 20 لغة؟
برضو شفنا شمس المعارف اللي تصدر الترند بشكل غير طبيعي، فيلم شمس المعارف رغم أنه انعرض بدور السينما في وقت جائحة كورونا إلا أنه باع أكثر من 100 ألف تذكرة في صالات السينما، واليوم يكمل سلسلة نجاحاته على منصة شبكة البث الرقمي نتفليكس. عمل مثل شمس المعارف أو الكرتون السعودي الشهير مسامير برأيكم ما يستحقون فرصة الوجود بمنصة عالمية مثل كذا؟ بترجمة تصل لأكثر من 20 لغة!
اليوم هم فعلًا موجودين بهالمنصة، ووجودهم جاء لأنه فيه جمهور سعودي متواجد بهالمنصة، وجودك أنت كسعودي على نتفليكس خلّا نتفليكس تتيح الفرصة والمساحة لتواجد أعمال سعودية مثل مسلسل تكّي وغيرها.
والخبر الأجمل إن نتفليكس طرحت 8 أفلام جديدة بالشراكة مع استوديوهات “تلفاز 11”، أولها سيعرض أواخر عام 2021.
فرق بين انك كفرد تمتنع من الاشتراك بنتفليكس، وبين أنه عمل سعودي يمتنع من التواجد على نتفليكس!
خلونا نتفق على أنه ثقافة نتفليكس انتشرت بشكل كبير عندنا، حوالي 157 ألف مشترك في السعودية!
اليوم جزء من حديثنا في جلساتنا عن آخر المسلسلات اللي تابعناها بهالمنصة.
ولكن بالأخير إذا اتحدنا كلنا وقررنا كلنا ما نشترك قد ايش راح يكون تأثيرنا وسط الـ 193 مشترك حول العالم؟ ولكن ايوا ممكن نأثر بهالطريقة، وممكن نأثر بعد بدعم منصة أخرى تمثل توجهاتنا على أساس تنجح أكثر.
بينما بعيدًا عن الأفراد، لمّا نتكلم عن الأعمال من مسلسلات وأفلام سعودية، تتوقعون قد ايش راح يأثر عدم تواجدها وامتنعها؟ الجواب: ولا شيء لأنه أصلًا هي ما زالت تعتبر غير موجودة.. ولسى حتدخل وبشكل تدريجي.
ولمّا تصير موجودة ثقافتنا وأفكارنا ممكن نصدرها للعالم، وممكن نثبت إن الأعمال اللي مافيها مشاهد وأفكار مخلّة تلقى نجاح وتحقق تصدى وراح نقدم هذا الخيار لمن يبحث عنه فعلًا، بالإضافة إلى رفع من مستوى صناعة السينما عندنا.
طيب ياخي أعمال نتفليكس تنشر أفكار سيئة!؟
الخلاصة
أول شيء بكيفك لا تشترك وممكن إذا تبي نأيدك بعد.. لكن حديثنا اليوم عن تواجد الأعمال السعودية وليس تواجدك أنت كفرد ههههههه 😂
ثاني شيء.. أتوقع كل واحد فينا يقرر ايش يتابع وايش ما يتابع، كونك موجود بشبكة بث رقمي هذا لا يعني انك بتتابع كل شيء، بالأخير هذا هو الانترنت فضاء مفتوح فيه كل شيء وأنت تختار ايش تتابع وايش ما تتابع، ونتفليكس عندها مكتبة ضخمة جدًا، فيها الزين والشين لكن الفرق إنك بتدفع علشان تدخلها.
