مقهى سالي .. لمحبي سبيستون وللراغبين باسترجاع ذكريات الطفولة!
المسمى الآخر للرياض هو عاصمة المقاهى والكوفيهات .. يستحيل بكل ما للكلمة من معنى أنك ما تلاقي القهوة اللي تعجبك واللي تدمن عليها وعلى روقان جوها .. حتى لو ما كنت راعي قهوة، تعال للرياض وصدقني بتحبها! وإذا كنت من النوع اللي يحب يجرب مقاهي جديدة ، مالها صيت ومحد قد تكلم عنها، الرياض هي المكان المثالي لتجارب القهوة، راح تتفاجأ في اهتمام الناس لها سواء كجودة او كطعم او كجو ومكان وديكورات رايقة، وكثييير مقاهي نتوقع بأنك راح تجربها ثم تقول ويني عنها من زمان؟
حتى سالي سووا لها مقهى !!
عشاق سالي وينهم؟ جيل سبيستون جهزوا حالكم .. مقهى مصمم من قصص كرتون الشخصية الشهيرة سالي، يحكي قصتها وديكوراته وتصميمه مقتبس من تفاصيلها. 😍 من اغرب الأفكار الخاصة بالمقاهي!
المقهى جديد، وتم افتتاحه تجريبيا في شهر أكتوبر والآن رسميا المقهى يستقبل الزباين الحالمين اللي يبون يسترجعون طفولتهم والمتأثرين بقصة سالي الحقيقية او اللي يحبون يجربون كل جديد وغريب! عقبال مقهى هايدي وريمي وادغال الديجيتال! 😂
المقهى موجود في مخرج 10 طريق الملك عبدالله وللحصول على احداثياته اضغط هنا.
