آراء

إعلان أحد الشركات المحلية يقلب الدنيا 

بواسطة
إعلان أحد الشركات المحلية يقلب الدنيا 

إعلان أحد الشركات المحلية يقلب الدنيا 

كل يوم، نفتح السوشيال ميديا على موجة جديدة، مرات فيها نفع، ومرات كثيرة ضرر. بحر من الآراء، بحر ما له نهاية… مفيد؟ أكيد. لكنه مخيف ومعقد مثل البحر الحقيقي، ما تعرف وش يخبّي لك. ولو كنت من صنّاع المحتوى، فالوضع يصير أكثر تعقيدًا. كل ما كبرت منصتك، كبرت معها المسؤولية. كل كلمة، كل صورة، كل فيديو تنزله… أنت مسؤول عنه قدام الناس، وقدام نفسك، وقدام ربك. نتكلم عن عالم فيه 8.2 مليار إنسان، و1.2 مليار منهم شباب. وكل واحد عنده رأي، خلفية، ثقافة، وتجربة. فطبيعي المحتوى يوصل لناس تفهمه بشكل مختلف بعضهم بينتقدك، وبعضهم بيفهمك غلط، وبعضهم يمكن يهاجمك على شيء ما قصدته. لكن هذا هو واقع السوشيال ميديا اليوم: لازم تكون واعي، تتحمّل مسؤولية محتواك.

إعلان أحد الشركات المحلية يقلب الدنيا

كل شي بدأ بمقطع بسيط نزل على السوشيال ميديا…

هل شفت المقطع هذا من قبل؟👇🏻

إعلان أحد الشركات المحلية يقلب الدنيا

ماجد مواطن سعودي كان يشتغل في هالشركة، وقرر يشارك اللي صار معه وردّة الفعل؟ قلبت الدنيا! المقطع انتشر والأغلب حس بقهره، وانقلبت السالفة لهجوم شرس على الشركة نفسها. وش اللي صار بعدها؟ الشركة طلعت ببيان توضيحي تحاول تهدي الوضع

الآن خلنا نرجع بالتواريخ ونشوف التسلسل الزمني للموضوع:

مقطع المواطن ماجد نُشر بتاريخ 23/07/2025، وجاء البيان الرسمي من الشركة في اليوم اللي بعده مباشرة، بتاريخ 24/07/2025.

اللي صار إن كثير من الناس وحسابات التواصل ربطت بين الإعلان الجديد لشاورمر وبين الأحداث، وقالوا إن الإعلان جاء بعد الضجة.
لكن للتوضيح والإنصاف، الإعلان نُشر قبل كل اللي صار، وتقدر تتأكد بنفسك من التواريخ على حسابات الشركة.

دورنا هنا إننا ننقل الحدث بكل تفاصيله، وأنت لك حرية تكوين الرأي المناسب.

إعلان أحد الشركات المحلية يقلب الدنيا

أنت كمتابع أو كمتابع وصانع محتوى إيش رأيك في السالفة هذه كلها؟

Post Views: 133
التسوق
إقرأ المزيد
المزيد مثل هذا

Support Lovin

Loyal Lovin readers can support Lovin so we can continue to share the stories of all amazing cities

Minimum custom amount to enter is AED 2

By donating, you agree to the Privacy Policy and Terms of Service