سعودي يأخذ سائح كوري بجولة بطريق العلا

من أكثر الجنسيات اللي نشوفهم جايين للسعودية سياحة هم الجنسية الكورية، ومعروفين بلطافتهم مع الشعوب الثانية ويتقبلون الكل ونشوفهم في كثير من الفعاليات بالسعودية ومواسم الترفية وخصوصًا بالمناطق الشعبية، ومركزين كثير على إنهم يتعلمون ثقافة البلد اللي يزورونها عشان يتقربون من أهلها أكثر.

أغلب السيّاح بالسعودية تلقاهم دائمًا معلقين الكاميرا على راسهم أو ماسكينها بيدهم طوال الوقت، عشان يصورون فلوق أو يومهم بالسعودية وينشرونه لباقي الشعوب الأخرى.

مثل هذا السائح الكوري وقف بأحد الطرق وطلب من رجل سعودي إنه يوصله لمكان محدد بالعُلا. المقطع جميل وكله فعاليات قاعد يسويها السعودي عشان يغيّر جو السائح شوي ويبيّن له أن تعامل السعوديين والروح الجميلة اللي يملكونها مع الكل مهما كانت الجنسية.

موصى به

إبداع السعوديين في مسابقة تصميم أكواب القهوةالميم الأكثر شهرة لمحبين الشاهي عرفنا السر وراه!بندريتا يفجرها وينهي التساؤلات المتداوله

شوف المقطع هنا 👇🏻

سائح كوري زار العُلا وقرر يجرب يركب مع شاب سعودي وهذا اللي صار. 😅👇 pic.twitter.com/kHnoMmrkCC

— خالد العصيمي 🇰🇷 (@Kolyo_99) January 21, 2024

كثير من هذه الأمثلة شفناها على الواقع مثل الدي جي سودا الكورية لما زارت السعودية عشان تقيم حفلها الغنائي راحت بعد الحفل لسوق الزل بالرياض، وهو معروف من أحد أقدم الأسواق الشعبية بالعاصمة وفيه كثير من التنوع الثقافي السعودي والملابس الشعبية وأشياء كثير.

مقطع لها مع المحرّج المشهور شلقم بسوق الزل 👇🏻

جولة الدي جي الكورية سودا لسوق الزل في الرياض

TikTok: shalgam11#LovinSaudi pic.twitter.com/072zwcEIll

— لوڤن السعودية (@LovinSaudi) August 27, 2023

الشعب الكوري من أكثر الجنسيات اللي نشوفها عندنا بالسعودية خصوصًا بالرياض، وكثير من الناس ملاحظين هذا الشيء، ودائمًا يكونون متواجدين بأماكن أهل الرياض هم اللي يعرفونها وما هي سياحية بشكل كبير .. وهذا يدل إنهم حابين يتعرفون على الشعب وعلى أجواءهم الخاصة.

الكوريين أنا متأكدة راح يكونون أكثر جنسية زارتنا هالسنة، رحت محل أثاث مايعرفه إلا أنا وأمي وحصلت كوريات هناك، حتى البقالات شفتهم فيها والتميمي حق السفارات دايم فيه ماشاءالله .. وش السبب ؟ هل فيه تسويق بكوريا عن السعودية ولا ايش ؟

— Alan (@__surviivor) January 22, 2024

وفيه بعض الناس قالوا إضافة لأن السعودية بلد سياحي، أيضًا من أسباب زياد أعداد الكوريين بالسعودية بسبب فوزنا عليهم باكسبو ٢٠٣٠ والأغلب منهم يبغى يعرف أكثر عن الدولة اللي قدرت تفوز على كوريا ويتعرفون على مميزات وجمال السعودية 🇸🇦

عمومًا السعودية والسعوديين يرحبون بالجميع مهما كانت الجنسية 💚🙏🏻

سعودي يأخذ سائح كوري بجولة بطريق العلا