أيام المكالمات من الشارع

قبل لا نعرف الجوالات ولا نعيش بعالم الإنترنت، كان أهلنا وأجدادنا يعتمدون على شي بسيط لكنه كان وقتها ثورة، واللي هي كبائن الاتصالات. كانت هي الوسيلة الوحيدة تقريبًا للتواصل، خصوصًا للي ما عنده تلفون في البيت. في كل زاوية تلقى كبينة، توقف، تحط الريال أو تشتري البطاقة من البقالة🎫، وتتصل بأحد غالي عليك. واليوم؟ اختفت بهدوء، لكن الذكرى باقيه في القلب.

متى بدت القصة؟

بداية ظهور كبائن الاتصالات في السعودية كان في أوائل الثمانينات، تقريبًا عام 1981، وكانت جزء من مشروع ضخم من وزارة البرق والبريد والهاتف (قبل لا تصير STC). وفعلاً، انتشرت في كل المدن والقرى، وكانت تعتبر ثورة وقتها.

موصى به

افضل 5 مخابز في الرياضطرق للتعامل مع منصات التواصل الاجتماعيالسعودية تصنع التأثير

كيف تفاعل معها الناس؟

السعوديين في ذاك الوقت فرحوا فيها مرة، كانت وسيلة تواصل جديدة وسريعة، خاصة للي ما يقدر يركب هاتف ثابت بالبيت. بعض الكبائن كان فيه طوابير عليها، خصوصًا وقت المكالمات الدولية.

متى بدأت تختفي؟

مع دخول التسعينات وتوسع شبكات الجوال، بدأت الكبائن تقل شوي شوي، لكن الانقراض الحقيقي بدأ بعد 2010، ولين 2017 تقريبًا، اختفوا تمامًا من أغلب الشوارع لكن اخر شخص شافها يقول في مستشفى الملك فهد:

هذي اللي باقي بمستشفى الملك فهد pic.twitter.com/LXURwIxeR2

— سعود (@qiii_11) December 27, 2019

ليه اختفوا؟

🔹انتشار الجوالات والإنترنت

🔹تكلفة صيانة الكبائن العالية

🔹قلة استخدامها

🔹توجه STC للتحول الرقمي

أيام المكالمات من الشارع

اليوم، ما عاد نشوفها، بس تبقى ذكرى جميلة من أيام الطيبين ❤️