الرياضة

رسالة طمأنينة من الوليد بن طلال لجمهور الهلال

ibrahim
بواسطة
رسالة طمأنينة من الوليد بن طلال لجمهور الهلال

رسالة طمأنينة من الوليد بن طلال لجمهور الهلال

الوليد بن طلال طلع بتصريح ناري وطمن جماهير الهلال بعد موسم كان صعب على الزعيم، الكل شايف الهلال هالموسم تعثر وطلع من أبطال آسيا من نصف النهائي، وخسر كأس الملك من ربع النهائي، وحتى الدوري السعودي قريب يفقدونه، يعني موسم محبط ، لكن الأمير الوليد كان له كلمة وقالها بكل ثقة

التصريحات

قال: الهلال في آخر 6 سنوات بقيادة فهد بن نافل حقق 17 بطولة وكان وصيف العالم بعد. يعني الرجال ذكرنا إن الهلال ما قصر وإن اللي تحقق مو شي سهل أبدًا

بس الأجمل إنه قال: جمهور الهلال لا تخافون وإحنا موجودين ندعم الهلال للأبد. وش أحلى من هالكلام؟ الرجال واثق وداعم وما عنده نية يترك الزعيم لحاله

وكمل وقال: أنا ما أشجع إلا الهلال والموسم الجاي واللي بعده بنحقق نتائج باهرة ونرجع الأمجاد. وعد قدام الكل إن الجاي أحلى، وإن الهلال بيرجع يفرح جمهوره

وبرضو ذكر إن الهلال حقق كأس السوبر الموسم هذا، ولسى ينافس على المركز الثاني في الدوري. يعني حتى مع الظروف الفريق ما طلع بدون شيء

وفي الأخير لمح عن استعدادات كأس العالم للأندية الصيف الجاي بأمريكا وقال: ما أقدر أبوح بالأسرار لكن تفاءلوا بالخير

فرحة الجماهير الهلالية

يا جمهور الزعيم، إذا الأمير الوليد بنفسه يقول تفاءلوا، أجل وش باقي؟ الهلال دايم كبير وأكبر دليل إنه الكل واقف وراه من أعضاء شرف لإدارة لجمهور

الجاي إن شاء الله يكون أحلى وبنشوف الهلال بطل مثل ما تعودنا

رسالة طمأنينة من الوليد بن طلال لجمهور الهلال

Post Views: 130
التسوق
إقرأ المزيد
المزيد مثل هذا

Support Lovin

Loyal Lovin readers can support Lovin so we can continue to share the stories of all amazing cities

Minimum custom amount to enter is AED 2

By donating, you agree to the Privacy Policy and Terms of Service