أساسيات شنطة السفر: لا تنسون هذه الأشياء!

بدأنا موسم الإجازات المنتظر أخيرًا, وكثير مننا بدءوا يخططون لإجازاتهم كيف راح يقضونها ما بين سفر وجلسة مع الأهل واستجمام ويمكن حتى تطوير الذات وتعلّم مهارات جديدة. في مقالنا هذا راح نركّز على السفر وكيف تقدرون تسافرون بكل راحة وأنتم ضامنين أنه معاكم كل شي تحتاجونه مع قائمة أساسيات شنطة السفر هذه:

 أولًا: الشنطة اللي راح تكون معاكم

سواء كنتوا ماشين بالقطار أو الطيارة أو أي وسيلة تنقل لازم يكون معاكم شنطة صغيرة وجانبية فيها كل الأشياء اللي ممكن تحتاجونها وانتم بالمشوار، مثل الجوال والشاحن المتنقل والسماعات، و ممكن حتى يكون فيها كتاب أو دفتر وقلم لو حابين تقضون هذا الوقت بالكتابة أو الرسم أو القراءة، وطبعًا ما ننسى أهم شي اللي هو التذاكر أو جواز السفر أو أي مستندات تحتاجونها للسفر 🛂

موصى به

الأوركسترا السعودية تعزز التبادل الثقافي في طوكيوأفضل الأماكن لقضاء ويكند مليان بالمتعة في الرياضقصة سعودي نجا من عبارة السلام

مهم حتى تختارون شنطة مريحة ومناسبة لكم، سواء كانت شنطة كتف قماشية أو شنطة ظهر، بالنهاية يعتمد على راحتكم وتفضيلكم

ملاحظة: إذا حابين تعرفون الأشياء المهمة في هذه الشنطة بشكل أكبر، تقدرون تبحثون في يوتيوب عن  Carry On Bag ✨

ثانيًا: شنطة السفر

شنطة السفر تعتبر أهم شي لازم تجهزونه وأكثر شي ياخذ وقت، وعشان تتأكد من أنك ما نسيت أي شي مهم أنك تسوي قائمة بكل الأشياء اللي راح تاخذها، وتشطب عليها لما تتأكد أنك حطيتها بالشنطة

طيب ايش الأشياء اللي لازم تكون بهذه الشنطة؟

:١. منتجات العناية 

تتضمن منتجات العناية فرشة الأسنان والمعجون والشامبو وغسول الجسم واللوشن وواقي الشمس، أو بإختصار أي منتج عناية تستخدمه بشكل يومي

:٢. منتجات التجميل

العطور اللي تستخدمونها يوميًا، المشط أو منتجات الشعر وغيرها، وهذا الفيديو يشرحها بإختصار

@wesam_n8 شو اهم شي ما بتستغنو عنو بالسفر ؟ 😍😍 #سفر #تحضيرات #ميكب #تتوريال #اكسبلور #fyp #explore #خطوات_ميكب ♬ original sound – Wesam_glam

ثالثًا: شنطة إضافية خفيفة

كثير مننا لما يسافرون يكونون حابين يتسوقون، سواء هدايا للي يحبونهم أو ملابس أو أحذية لهم، وعشان كذا لازم يكون معاكم شنطة إضافية وتكون فيها أشياء خفيفة بس، زي جاكيت إضافي مثلا أو أحذية عشان يكون سهل عليكم تحطون فيها كل ملابسكم أو أشياءكم الجديدة وأنتم راجعين

بالنهاية نتمنى تستمتعون برحلاتكم جميعًا، ورافقتكم السلامة 💚