الممر الخافت في الدرعية: ليش اشتهر؟ ووين موقعه؟

إذا كنتوا تتابعون تويتر أو تيك توك بشكل مستمر ممكن مر عليكم هذا الأسبوع صور أو فيديوهات للممر الخفي (أو الممر الخافت) في الدرعية، واللي هي منطقة يروحون لها كثير هذه الفترة بأحد أحياء الدرعية. هذا الممر موجود من فترة زمنية طويلة، لكن اشتهر هذه الفترة بالذات لعدة أسباب راح نذكرها بالمقال

المكان السري ( الدرعية ) ❤️ pic.twitter.com/U3BSqerbxM

— دح ☕️ (@DHDH9933) July 17, 2022

موصى به

ألذ مقلقل في الرياضأفضل 5 مولات للمشي بالرياضجبال بركانية في السعودية!

أول سبب لانتشاره هو أنه المكان يتميز بجمالية الطبيعة فيه وانه محاط بالنخل من كل الجهات، وهذا الشئ يخلق صورة جماليه لأي أحد حاب يجلس هناك

ثانيًا المكان بعيد عن المدينة وهذا الشئ يسمح للي جالسين هناك أنهم يشوفون النجوم بنص الليل، ومين مننا ما يحب هذا الشئ ✨♥️؟

مع البرد + بداية الصباح 🤞🏽 pic.twitter.com/IWd77ACXaC

— Ra (@Ra1995o) July 14, 2022

ثالث سبب هذا المكان مشهور لهدوءه، ومن الجدير بالذكر أنه كثير أماكن انتشرت بالفترة الأخيرة لهذا السبب مثل المطل المشهور بمدينة الرياض، واللي كانوا الناس حابينه مره بفترة الشتاء عشان هدوءه وبُعده عن صخب المدينة وزحمتها

مكاني المفضل 😔🤍🤍🤍 pic.twitter.com/8qOscOLC9a

— R🕷 (@Riilzll) July 15, 2022

ورابع سبب هو أنه منطقة الدرعية كل مالها وتتجدد، وطرقها صارت سهلة التنقل أكثر من أول والأماكن فيها صارت مفتوحة للزوار أكثر من أول

يذكر أن الممر هذا كان تابع لمزرعة آل شلهوب قبل عشر سنوات

موقع الممر الخافت في الدرعية

إذا حابين تزورون المكان راح تلقون الموقع هنا، ويُفضّل أنكم تروحون له بالسيارة بحيث أنه المنطقة مخصصة لمشي السيارات وممكن ما يكون المكان آمن للمشاة

ونتمنى تستمتعون 🤩