ايش سر المخور الإماراتي برمضان؟

أكيد لاحظ كثير منكم ارتداء كثير من السعوديات للمخور الاماراتي في شهر رمضان، بس هل تعرفون ايش السبب؟

كمّلوا معانا المقال عشان تعرفون 👇🏼

المخور الاماراتي هو زي من الازياء الشعبية الاماراتية النسائية، وتتميز أقمشته بأنها مزركشة، وتم اشتقاق كلمة المخور من “الخوار” وهو التطريز المليئ بالنقوش.

في رمضان هذه السنة، صار كثير من السعوديات يلبسون المخور في جمعاتهم، ويعتبر هذا الخيار مناسب جدًا لأن ألوانه وأقمشته تذكّرنا بملابس رمضان، ويعتبر قريب من الفساتين والجلّابيات الرمضانية 🌙✨

موصى به

المها العربي يعود للجزيرة العربيةعادات سعودية تميزنا عن باقي العالممقاهي المسار الأحمر بقطار الرياض

ياجماعه انا قلتها ولا ماقلتها من بدا رمضان وكل الناس لابسين المخور وكأنهم متفقين ، صراحه تحققت نص امنيتي باقي النص الثاني وهو اني البسه بس برضو للحين ماتجرأت https://t.co/pX2iHqlhgm

— WHITE . (@whitte25) March 30, 2023

كثير من النساء السعوديات شاركوا صورهم وهم لابسين المخور، وبصراحة لايق عليهم مره ♥️

٧ رمضان | أول مرة البس المخور الاماراتي 🌙 pic.twitter.com/6MyLDF6pU1

— s (@67676767__) March 29, 2023

ايش سر المخور الإماراتي برمضان؟

وكثير حبّوه وقرروا أنه راح يلبسونه للعزايم والجمعات الجاية برمضان 🌙

حبيت المخور الإماراتي بعتمده لكل رمضان 💘

— 🌍 (@_desert_00) March 30, 2023

وبعضهم فكّروا يلبسونه مع الذهب الإماراتي عشان يكمل اللوك

المود في رمضان هالسنه مخور وذهب اماراتي ✨🌙😍

— ‏"‏﮼كرامولا 🦋 (@bent______kw) March 27, 2023

ايش سر المخور الإماراتي برمضان؟

والمصممات السعوديات بدئوا يبحثون عن المخور ويتعلّمون عن تصميمه، وبدّعوا في تصاميمهم 👏

رمضان هالسنة برعاية "المخوّر الإماراتي 💗"
✨زاهي عليك مخوّر الثوب✨ pic.twitter.com/YYPyuw3Vfn

— Ehdaa♡ (@Ehdaa_7i) March 20, 2023

أحد المصممات بدّعت بهذا المخور المستوحى من لوحة الفنان المعروف ڤان جوخ “ليلة النجوم” 🌌

كنت ناويه اشري مخور اماراتي قبل يبدا رمضان ونسيت وراح عن باللي مع الاختبارات والحين من امس ويطلع قدامي عشان انقهر وتو شفت مخور عليه رسمة فان جوخ والثاني نخل ياخذن العقل💔 pic.twitter.com/OhCPVXqbUH

— nn!🎈 (@11_nn_) March 29, 2023

بصراحة اللبس جدًا أنيق، وجميل كيف كثير لبسوه بطريقتهم الخاصّة مع مختلف الاكسسوارات.

من الجدير بالذكر انه العديد من الاماراتيات يلبسون المخور بكثير من مناسباتهم، في عزايمهم وجمعاتهم وطلعاتهم، وحتى في منازلهم، وهذا الشيء يعكس تعلّقهم بتقاليدهم وفخرهم فيها ♥️

هل أعجبتكم الفكرة؟ وهل ناوين تشترونه وتلبسونه قريب؟ 🤔