أسلوب الحياة

تحديث السناب شات الجديد يكشف عدد مشتركين المشاهير.. ويضع البعض في حرج

loovinsaudi
بواسطة

من أكثر الأشياء اللي ميّزت السناب عن غيره هي انك ما تقدر تعرف كم عدد متابعين أو مشتركين ولا مشاهدات غيرك، سواء كان مشهور أو لا.

السناب شات قائم على كذا أصلًا، لازم تبحث عن الأشخاص بإسم اليوزر أو الباركود عشان تضيفهم، ولا تقدر تعرف غيرك مين متابع. السناب من يوم تم إطلاقه حافظ على هالخصوصية ولكن مع مرور السنوات سوّا تحديثات، منها إنهم أضافوا شيء اسمه الديسكوڤر واللي يكون فيه مشاهير أنت مو متابعهم بس ممكن محتواهم من نوعية المحتوى اللي يهمك، وصرنا نشوف حسابات تتوثق، وبالتالي صار تصنيف المشاهير بناء على هل حسابه موثّق ولا لا.. لكن غير كذا فيما يخص عدد المتابعين، كلها تكهنات أو محاولة قياس الأثر وترند المشهور والصدى اللي يحققه.. مافي أي معلومة مكشوفة، كل مشهور يصرف على كيفه ويعلمك أو ما يعلمك أرقامه بمزاجه.

لكن الآن تحديث جديد غيّر المعادلة! أي أحد موثّق حسابه لما تفتح صفحته راح يطلع لك كم عدد مشتركينه!

موصى به

ألذ مقلقل في الرياضألذ مقلقل في الرياضأفضل 5 مولات للمشي بالرياضأفضل 5 مولات للمشي بالرياضجبال بركانية في السعودية!جبال بركانية في السعودية!

مالك الروقي: “سناب شات في تحديث مفاجئ يصدم مشاهيره باظهار عدد المشتركين لديهم علناً ،هذا التحديث ربما يغير أشياء كثيرة من ضمنها أسعار الإعلانات.. وخلال الأعوام الماضية احتفلت بعض هذه الأسماء بتجاوز 10ملايين مشترك وغيرها من الأرقام الفلكية،علماً بأن هناك امكانية لاخفاء هذه الخاصية”

طبعًا لو تروحون الحين تحاولون تعرفون كم عدد مشتركين كل مشهور موثّق حسابه، راح تلاقون بعضهم أخفى الخاصية هذي على طول. ولكن أخفاها ولّا ما أخفاها أيًا كان السبب، أشياء كثير ممكن راح تتغير من ضمنها أسعار الإعلانات.

بالأخير الجمهور واعي وعارف وبالمرصاد، خصوصًا بعد هالخاصية الجديدة وبعد ما الناس صارت عارفة أكثر عن الفرق بين المشاهدات، المشاهدين، والمشتركين.. لأنه زي ما شفنا الفترة الماضية عبدالرحمن المطيري كان يحتفل بأنه الأكثر مشاهدة في الوطن العربي. وخلال أيام رد عليه الكثير، وختام الردود كان هالخاصية الجدييييدة 👻

بالنسبة للمقطع المتداول هذا اللي سخروا فيه من أحد المشاهير لأنه كان كاتب معلومة غير صحيحة في ملفه التعريفي وجا التحديث وكشفه

المتوقع إنه يكون المقصود فيصل السيف، لأنه كتب تغريدة في تويتر قال فيها إن مجموع مشتركينه في كل التطبيقات أكثر من 10 مليون وبالتالي هذا تفسير ليش كاتب 8 مليون متابع بملفه التعريفي على السناب شات. وكذلك إيناس الحنطي كاتبه عدد المشتركين عندي 11 مليون والسناب طلّع عدد مشتركينها 1 مليون.

 

بعض المشاهير اللي الكثير كان يطالب بعدم الحديث عنهم وعدم دعمهم وينتقدمهم كونهم نماذج سلبية مثل هند القحطاني ومودل روز طلعوا بالأخير الأعلى متابعة في السناب شات 😂 معقول؟

 

الموضوع سبب للبعض صدمة 🤣 شكل التوقعات كانت عااااااالية

نبي نوضح إن عدد المتابعين لا يعني أن المشاهدين ما يمكن يكونون أكثر، بس هالعدد اللي قرر يشترك ويتابعك على طول.. وبعدين ترا صرنا نستصغر هالأرقام الكبيرة بشكل مخيف وملحوظ، بالأخير جالسين نتكلم عن مئات الآلاف! والله هالموضوع يبيله دراسة.

يعني اليوم بعد هالتطبيقات صاروا المشاهير بإزياد وازدياد، وصارت الأرقام الفلكية تخلي الأرقام العالية جدًا هذي ولا شيء. الأرقام الفلكية مو منطقي أصلًا تروح إلا للمحتوى الفلكي.. يعني مشاهير السناب يصورون يومياتهم.. ليش متوقعين إن متابعينهم يكونون بالملايين؟ يعني صحيح يومياتهم حلوة بس مو لهدرجة 🙄 قلة هم اللي محتواهم متعوب عليه أو يمتعك فعلًا بشكل يومي.

https://twitter.com/t2hio/status/1323485789657980930?s=20

 

من الآخر.. هذي هي أكثر الحسابات السعودية اشتراكات 👻 الأول موديل روز، الثاني حمد وعزازي، الثالث أسامة الدغيري، الرابع هند القحطاني، والخامس لجين عمران، السادس نجلاء عبدالعزيز، السابع أفنان الباتل، يتقاسم الثامن بن قاسم وفيصل اليامي، ويتقاسم التاسع سارة الودعاني ومحمدز

أهم شيء ربما فيه غيرهم لكن ما نعرف عنهم 😂✋🏼.

الجدير بالذكر إن السناب شات قبل عدة أيام بدأ هالخاصية بمجلات وبرامج ديسكوڤر السناب شات زي مثلًا برنامج مين مكسّر السوشال ميديا؟، صرنا نعرف عدد مشتركينهم. والحين السناب ضم أصحاب الحسابات الموثقة للقائمة، وهالخطوة كانت متوقعة ومعلن عنها من فترة فترة.

 

Post Views: 188
التسوق
إقرأ المزيد
المزيد مثل هذا

Support Lovin

Loyal Lovin readers can support Lovin so we can continue to share the stories of all amazing cities

Minimum custom amount to enter is AED 2

By donating, you agree to the Privacy Policy and Terms of Service