فيلم سطار وصل للعالميه! وردود فعل الناس رهيبة

الأفلام السعودية هذه السنوات جالسه تثبت نفسها أكثر وأكثر.. وحققت نجاحات كبيرة من ضمنها فيلم أبطال وفيلم جنون و فيلم الخلاط و الكثير غيرهم.

لكن اليوم راح نتكلم عن الفيلم القوي فيلم سطار! اللي حقق نجاح من أول أيام العرض وجذب عدد كبير من المشاهدين اللي عجبهم وصار الكل يطلع من الفيلم وينصح الباقين يحضرونه!

طبعًا أبطال الفيلم من أكثر الممثلين فيهم قبول و الكل يحبهم وهم إبراهيم الحجاج وعبدالعزيز الشهري 💚

موصى به

قصة سعودي نجا من عبارة السلامالمدة المتبقية لفصل الشتاء الحقيقي بالسعوديةمملكة الإنسانية تواصل مسيرتها.. هذه المرة نحو اللاجئين في لبنان

من الأشياء اللي ميّزت الفيلم المحتوى المضحك و أنه ركز أكثر شي على السعوديين وعلى السوالف اللي تصير بيننا ونفهمها وما فيه سعودي يشوف الفيلم إلا و يعجبه

وردود فعل الناس توّضح للكل قد ايش الفيلم ممتع 🤩

تابعت اول فلم سعودي بسينما
صراحة فلم رهيب
ابراهيم الحجاج ممثل رهيب واعتقد مشروع نجم السعودي الاول بالمستقبل
عبد العزيز الشهري اعشقه يارجال يضحكني وكان سبب متابعتي للفلم 😂
دايما اي شئ يكون من تلفاز 11 يكون بطل .
يستاهل المتابعة 👍🏻 pic.twitter.com/CDKkdugyuS

— NaiF (@iNaiiF22) January 25, 2023

حضرت اليوم فيلم #سطّار
للأمانة أنا سعيد جدًا بهذا التطور الذي تشهده مملكتنا الحبيبة على مستوى السينما، وكلي فخر بهذا الفيلم الذي أقل ما يقال عنه إنه (بطل!)، إنتاج متميِّز، وتمثيل رائع، وكوميديا مضحكة بدون ابتذال.

يعطيكم العافية يا أبطال💙🙏🏻.@aziz_al_shehri1 @Barmz_alHajjaj pic.twitter.com/IKk8FefWSb

— بندر الشهري (@banderalshehrii) January 7, 2023

الفيلم تصدّر شباك تذاكر السينما السعودية لأسابيع من بداية عرضه! وبسبب هذا النجاح الكبير سطار وصل للعالمية وراح يتم عرضه في صالات السينما بالمملكة المتحدة! 🤩

🎦| بعد نجاحه الكبير في شباك التذاكر السعودي ، سيعرض فلم [ سطار ] في صالات السينما بالمملكة المتحدة بالشهر المقبل 🇬🇧. pic.twitter.com/7zX487Yqdc

— BuraStar (@BuraStar23) January 25, 2023

و من جد وكلمة الحق تنقال! ابراهيم الحجاج و عبدالعزيز الشهري أبدعوا 🤩

#سطار الفلم جميل مره ويستاهل ينشاف
ابراهيم الحجاج وعبدالعزيز الشهري بدعوو pic.twitter.com/3KAVe4vWoA

— lolo (@LolaL12l) January 27, 2023

و بعد المستوى الكبير اللي شفناه كلنا خلال الفترة الماضية في الأفلام السعودية، تطمنا كلنا على المستقبل الجاي! 🙏🏻

من شفت فيلم سطار تطمنت على مستقبل افلام السعودية.

— Raghad (@raghadxr2) January 20, 2023

مبسوطين بالانتاج الجديد وبنجوم المستقبل الجديد اللي أثبتوا أنهم متميزين ومبدعين في كل المجالات 🎬🇸🇦