طرق لكيفية توديع فصل الصيف هذه السنة

بما أن الصيف الحمدلله شارف على الانتهاء يعني اللي فاصل بيننا وبين الصيف حاليًا بإذن الله فقط 22 يوم وبكذا نبدأ من الحين نشتاق له ونرحب بفصل الخريف ولكن ما يصلح نترك هالكم يوم يروحوا بدون فعاليات صيفية أو حتى نبدأ مشاريع بناءة من الحين عشان الصيف الجاي نشوف محصول ما زرعنا 💚😍

 

View this post on Instagram

 

موصى به

لطف صاحبة السمو الملكي الأميرة هيفاء بنت فيصل بن عبدالعزيز آل سعودأبرز الأشياء اللي حصلت في عرض أزياء شي إن الرياض 2024قائمة أجمل الحدائق في الرياض

A post shared by لوڤن السعودية | Lovin Saudi (@lovinsaudi)

طرق لكيفية توديع فصل الصيف هذه السنة

5. تجربة آيس كريم الهبة  

في كثير جربوه، وما قابل التوقعات، الآيس كريم اللي عصف النت كامل من بداية الصيف، ولكن لازم تعترف أنه شكله صعب يقاوم بحكم المنظر الجميل حقه. أكيد عرفت أي واحد، اللي هو المانجو والخوخ، وفي منه ليمون، وإذا توك ما جربته، بنقولك عن مكانين يوفرون لك إياه، ويوفرون غيره من آيسكريمات الهبه، لأن كلنا ندري أن الآيس كريم جزء مهم جدًا من الصيف 🍦😍

متجر يمي الكوري 

هذا محل يقدم لك جميع أنواع السناكات الحلوة المختلفة. يمكنك تروح عشان تاخذ لك آيس كريم وتطلع بكيس مليء بسناكات سهرة، وحتى يمكن تلاقي سناكات للدوام أو يكون عندك مكان مفضل تجيب منه سناكات للمدرسة، بحكم أن موعد افتتاح المدارس قرب. 🤭

@yumy_korea_ #متجر_كوري #منتجات_كورية #الرياض #بقالة_كوريه #كيمتشي #منتجات_يابانيه ♬ оригинальный звук – متجر يمي الكوري 🇰🇷

طرق لكيفية توديع فصل الصيف هذه السنة

قراميشو

من الاسم تعرف أنك رايح مكان فيه كل الكرمشة والآيس كريم الطيب اللذيذ وغيره من المفرحات اللي تجيب لك الدوبامين. عشان تختم إجازتك بنكهات مختلفة ومستوردة من قراميشو ويمي الكوري. وبكذا، عطيناك مكانين تجيب فيهم سناكات توديع فصل الصيف. 💚

@qaramisho ‏#fypspotlight #buaty #spotlighttop #ترند_السعودية #ترند #مشاهدات_مليونيه #ايسكريم_الهبه #الرياض #قراميشو #ايسكريم_المانجو #بون_بون #مستوردات ♬ الصوت الأصلي – JOODALAZIZ🇸🇦🐆

4. حجز فندق فخم فيه مسبح

الحين، لو ودك تحس إنك مسافر في أي وقت من الأوقات، فالحيلة أنك تحجز لك في أحد فنادق الرياض اللي تتمتع بخمس نجوم. احجز لك ليلتين أو ثلاث، لأنها حركة تغير جوك 180 درجة، وتحسسك كأنك مسافر ولأول مره تكتشف الرياض. وفي أيام، يكون المسبح خاص للنساء، بمعنى أنك تروحي تسوي لك تان، وتستغلي أخر أيام الشموس، وكأنك تكسبي لون تان جميل براحتك، وتسبحي وتغيري جو. 😍🏊🏻‍♀️☀️

طرق لكيفية توديع فصل الصيف هذه السنة

3. تغيير من الصيف للخريف في المولات

المملكة كلها، الحمد لله، والشكر لله، عندنا أجمل المولات بلا منازع في كل المناطق تقريبًا. والتسوق وتجديد الملابس، وما إلى ذلك، شيء يدخلك في جو الفصل الجديد بسرعة ما تتوقعها. تروح وتتقضى لك كم طقم يفتح نفسك، وتودع الصيف بأناقة الخريف. 🍂💁🏻‍♀️

طرق لكيفية توديع فصل الصيف هذه السنة

2. الإشتراك بالنادي 

هل أحيانًا تنسدح وتتخيل جسم الأحلام الخاص فيك، وتقعد تقول ياخي ليتني أروح لجمعة أصحابي، ولا للدوام، ولا للمناسبات وأنا باللبس ذا؟ هذا هو الوقت الأنسب لاشتراك النادي اللي دائمًا توعد نفسك فيه. ليش؟ بحكم أنه الحين تشترك وتلبس براحتك ملابس دافية، وما يبين شيء، حتى التعرق، الله يعزك، ما يكون بنفس اللي بالصيف. وكل ما التزمت، كل ما كانت نسبة دخولك للصيف عام 2025 بأفضل جسم لك، وتحقق خيالاتك. والنوادي في السعودية لا تعد ولا تحصى، استغل هالفرصة، وودع هالصيف بشكلك الحالي، وقول أهلًا لصيف السنة الجاية بأحلى طلة!💪🏻🏋🏻🥊

طرق لكيفية توديع فصل الصيف هذه السنة

1. الألعاب المائية

الشتاء والخريف معناها زكام، الله يحفظنا ويحفظك. ولكن فعلًا، يعني الشتاء لما يحل علينا، تصبح الألعاب المائية شبه محدودة بسبب البرد. والحين، بما أن باقي 22 يوم على الصيف، لازم تستغل هالوقت وتلعب مع أهلك وأصحابك بكل الألعاب المائية من بالونات موية إلى مسابح الحوش ومسدسات الموية وغيره. كلها الوقت هذا هو الوقت المثالي للفعاليات المائية كلها. 💦🏃🏻

طرق لكيفية توديع فصل الصيف هذه السنة

الصيف فصل جميل ولكنه حار جدًا والحمدلله أنه عدا على خير والله يجعل كل فصول الصيف الجاية باردة وهينة علينا وعلى جميع المسلمين يارب 🤲🏻💚