قائمة لدخول موسم الهوت شوكلت

الهوت شوكلت هو المشروب اللي صعب إنه يملك نفس الطعم في كل المواسم، ولو أحد قال إن الهوت شوكلت وحليب الشوكولاتة نفس الشيء، للأسف لا، أبدًا مو نفس الشيء، ولا نفس الجو، ولا نفس التجربة والإحساس. ولكن السؤال حاليًا هو: هل بدري أننا نبدأ نكتب لك قائمة أماكن تبيع أفضل هوت شوكلت في الرياض؟ أو أماكن تبيع أفضل مكونات الهوت شوكلت؟ وكشخص عنده خبرة في صنع المشروب الساخن هذا، بعطيك الوصفة السرية في نهاية المقال عشان تضبط أقوى شوكولاتة ساخنة، وبتضبط معك كل مرة، ضمان سنوات خبرتي😏. 

قائمة لدخول موسم الهوت شوكلت

أوكيه، الهوت شوكلت لها آداب معينة، لكنها تختلف حسب ذوق من يشربها. يعني في اللي يحبها ثقيلة وعليها طبقة سميكة أو خفيفة من المارشملو أو حلوى الخطمي، وفي اللي يحب هذه الطبقة تكون مشوية، يعني محمرة، تعطي تجربة أحلى للبعض. هذه القائمة تحتوي على مختلف أنواع الهوت شوكلت بأكثر من طريقة. ودائمًا تذكر أنه تقدر تطلب من الباريستا يعدل لك مشروبك مثل ما تحب، فإذا حبيت واحد من هذه الأماكن، وكان في خصال بسيطة ودك تعدلها لتحقيق مشروبك الشتوي المثالي، لا تستحي، واطلب تعديلها لتعيش تجربتك مثل ما تحب💚. 

موصى به

قائمة لدخول موسم الهوت شوكلتعائلة سعودية تتوارث العمل في مطعم أسماك لمدة 90 عاممشهورات التيك توك يتصدروا ترند الغزالة 

1 . ليڤو

ليڤو مكان راقي ويبيع شوكلاته سويسرية جودتها عاليه بديهيًا عندهم بتكون الهوت شوكلت جبارة وهو أحد أفضل الأماكن اللي تقدم هذا المشروب مع طبقة شوكلاته إضافية فوق مشروبك لتعطيك قنبلة مشكلطة يحبها قلبك 🍫😋

قائمة لدخول موسم الهوت شوكلت

2 . آرتشي    

جينا لواحد من ملوك المقاهي في الرياض مشهور مو بس للمشروب هذا بالعكس حتى لإيسكريماته وغيره من المخبوزات الجميلة منظرًا ونكهتًا لهذا استمتع في أرتشي هذا الشتاء ❄️💚.

3 . إيڤوك

إيڤوك عطاك البمبكن سبايس في الخريف. وعلى ذكر قهوة البمبكن سبايس، ترقب قائمة لأبرز المحلات اللي تقدم لك مشروب الخريف الحصري. يعني ضبطوا مشروبك لفصل الخريف، وبيضبطون بإذن الله في موسم الشتاء مع الهوت شوكلت الخطير حقهم. ولين ما نكتب هالقائمة لك، تذكر أن إيڤوك يقدمه لك حار وبارد، يعني مضبطينك مرة! هذا غير أن عندهم واحد من أحلى الفرنش توست في الرياض 🎃🤤.

4 . تَيْم

من أنواع الهوت شوكلت، مو بس عليها مارشميلو، ولكن تقدر تضيف فوقها أيضًا الكريمة المخفوقة، أو تقدر حتى تحط كريمة ومارشميلو. وهذا اللي سووه لك “تَيْم” في مشروبهم. ولكن الجزء الأجمل هو إنهم سووا لك المارشميلو على شكل وردة لطيفة، عشان تشرب وتستمتع وتاكل وردة، لأنك وردة 🌸😏.

@niels917 الصدق بدعو بالهوت تشوكلت وبرضو الديناتا واوو جربوها رهيبهه🤩♥️ #CommitToNothing #الرياض #مطاعم_الرياض #نيلز_الرياض #كوفيهات_الرياض #اعل ♬ الصوت الأصلي – محمد – 🎵

قائمة لدخول موسم الهوت شوكلت

 5 . بيلز

بيلز بسط مسألة الهوت شوكلت، وهذه حركة ذكية لأن في ناس ما تحب الكثير من النكهات والسكر في مشروبهم الشتوي. بالعكس، يحبونه بسيط لدرجة إنه يكون فيه الأساسيات فقط، مثل نكهة الشوكولاتة، كريمة مخفوقة، ورشة بودرة كاكاو. وبكذا، مشروبك مكتمل. ومن تقييم ناس كثير، يُعد بيلز أحد أفضل المقاهي في الرياض اللي تقدم لك هالمشروب وتعيشك التجربة بنكهة مميزة. ♨️🍫

@theruh1 الهوت شوكليت موزون ولذيييييذ بدون مبالغة!😋 #bills #hotchocolate #wintervibes #riyadhwinter #بيلز #foryou #new ♬ الصوت الأصلي – سهم

جا وقت الوصفة السرية للهوت شوكلت أو الشوكلاته الساخنة 

في نظري تقسيم الوصفة إلى خطوات يبسطها ويخلي الطريقة سهلة التطبيق ولو تعجبت من أي مكون فأنت حر تلغيه تمامًا لو ما حبيته وخلي في بالك أن الوصفة هذه تخلي طعم مشروبك مثل كيكة الشوكلاته لو صارت مشروب شتوي لذيذ وبعطيك بعض الاقتراحات وين تشربه وفي أي جو ندخل في الوصفة بدون كثرة كلام 🤫

قائمة لدخول موسم الهوت شوكلت

المكونات والأدوات : 

تحتاج لوصفتنا اليوم التالي : بودرة الكاكاو من علامات تجارية لها جودة عالية  مثل الكسيح واللي يمكن كلنا نعرفه اللي هو الغذائي أو حتى هيرشيز هذول كلهم يتميزوا بطعم الشوكلاته الحلو وتقدر تلقاهم في كل المحلات تقريبًا حتى أحيانًا في البقالة اللي جنب البيت 🏠

حليب، الحين الحليب يختلف من شخص لشخص إذا عندك حساسية من اللاكتوز تقدر تجيب لك حليب خالي من اللاكتوز و إذا ما تحب طعم الحليب الطازج تقدر تجيب لك من الحليب طويل الأجل ولكن يفضل أنك ما تجيب انواع الحليب النباتي إذا مقصدك الهوت شوكلت الكلاسيكي ولكن بشكل عام أنت حر في نوع الحليب بس رأي شخصي جيب حليب طازج كامل الدسم عادي 🥛

قائمة لدخول موسم الهوت شوكلت

بعدها خيارك من المحليات أو يعني السكر 🍬 تقدر تستخدم السكر الأبيض المعروف أو حتى تقدر تستخدم سكر بني لأنه بيعطيك نكهة جميلة ولكن لو ما تحب أنت التعقيد في النكهات خلك مع السكر الأبيض وإذا أنت مسوي دايت أو ما تبي تستخدم سكر أبيض أستخدم المحليات قليلة السعرات مثل سبلندا أو ستيڤيا أو حتى سكر الفواكة بأنواعه مثل سكر الفواكة بشكل عام استخدم اللي يحبه قلبك من سكر وتأكد أنك تعرف السكر زين عشان إذا طلع طعم مو حلو تلومني عليها بعدين وما راح أتحمل هذه المسؤولية 🤷🏻‍♀️

قائمة لدخول موسم الهوت شوكلت

بعدها جيب ملح نتفه حرفيًا نتفه جيب بس نص قرصة ملح اي نوع عادي ⚠️ بس لا تكثر ⚠️! وأي نوع ڤانيليا سواء بودرة أو سائله ما راح يفرق اللهم الفرق أن الڤانيليا السائلة بتعطيك طعم بأقل كمية ولكن البودره بتعطيك نكهة جباره خاصة فيها معرف أوصفها لازم تذوقها 😋

للأدوات بتحتاج قدر حسب كميتك وتحتاج فرن أو حطب أو أي شيء تقدر تشعل فيه نار وتطبخ عليه مصدر حرارة يعني و بنحتاج خفاق يدوي وبيز !

الإضافات على الوجه، تقدر تضيف مارشميلو صغير أو كبير أو كريمة مخفوقة أو الاثنين مع بعض أو بس رشة كاكاو فوق الكريمة.

الطريقة :

أولا ولع النار في البداية تكون هاديه لا تستعجل خلك مروق عشان تضبطها بشكل المطلوب الحلو بعدها ضيف كمية الحليب حسب عدد الأشخاص و وخلي النار وسط وانتبه لأن الحليب يحترق بسرعه بعد ما يغلي الحليب وبيأخذ تقريبًا 10 إلى 15 دقيقة أضف بودرة الكاكاو لو بتسوي كأسه وحده أضف ملعقة صغيرة وربع أو إذا تحبها أخف بس ملعقه صغيرة مسطحة وبعدها اخلطهم سوا بالخفاق وضيف السكر تقريبًا ملعقتين كبيره أو أقل إذا حاب أن الحلا يكون خفيف بعدها تضيف نص قرصة صغيره ملح والفانيليا واتركه يغلي مع بعضه على نار هادية لمدة 10 دقايق وصب وزين مشروبك😋

وبالعافية عليك 🤗