محبين الأكل في كل مكان نعرف ان علاقتكم مع الأكل تختلف كثير عن باقي الناس أنتم تحطون الأكل في مكانة عالية في حياتكم حتى أعلى من بعض الأمور الأساسية وهذا الشيء يخليك إذا زعلت تاكل وفي الفرح تاكل، مهما كانت المناسبة بتعالج أو تكافئ نفسك بالأكل، موضوع هذا المقال تم اختياره من أحد المتابعين المخضرمين لمقالات لوڤن السعودية، وفي حال عندك موضوع معين حاب نتكلم عنه كل اللي عليك تتواصل معنا وتوصل فكرتك لنا.

وش يعني غذاء (أكل)

الأكل مصدر طاقة للإنسان زي ما البنزين مصد طاقة للسيارة وهذه المعلومة أغلبنا نعرفها لكن اللي ممكن نتناساه هو مكانة الأكل الصحيحة في حياتنا.

مكانة الأكل في حياتك

ركز في النقطة هذه زين، تكلمنا قبل عن معنى الأكل وهو مصدر طاقة زي البنزين والسيارة هل السيارة ممكن تستخدم البنزين في موية المساحات أكيد لا هل من الممكن أنها تستخدم البنزين بدال زيت المكينة، نفس الشيء مع الأكل أنت كأنسان حياتك لازم يكون فيها مجموعة أشياء مثل هواية معينة تسويها وواجبك الديني تجاه ربك بالإضافة إلى الكثير من الأشياء، في حال ما كان عندك هواية تنفس عن نفسك فيها بتستبدل مكانة الأكل مع الرياضة عشان تعوض وإذا ما عندك رياضة معينة تطلع فيها الطاقة السلبية بتسوي نفس الشيء، تخيل معي أن حياتك فيها مجموعة أحجار إذا غاب حجر راح تحط أي شي مكانه عشان تعبي الفراغ، محبين الأكل دائمًا يختارون الأكل في أي مكان فاضي وهذا السبب الرئيسي في السمنة.

موصى به

ألذ مقلقل في الرياضأفضل 5 مولات للمشي بالرياضجبال بركانية في السعودية!

تنظيم حياتك أهم بكثير من إنك تسوي رياضة وبس وهذ الشيء ممكن ينجح ولكن بيكون متعب وفيه فرصة كبيرة للرجوع، عشان كذا لازم تعيد بناء مكانة الأشياء في حياتك.

المرحلة الأخيرة بناء عقلية واعية

مبروك كانك وصلت للمرحلة هذه بتلاحظ أنك تنحف وأنت ما تدري ولكن باقي خطوة وحده بس وتصير إنسان رياضي فل كامل، لازم تحاول تثقف نفسك في مجال الأغذية حاول تعرف كم يدخل جسمك من سعرات حرارية في اليوم، لا تصير موسوس بس أعرف الفرق بين البروتين والدهون والكاربوهيدرات وحاول تغوص أكثر في مجال الأغذية هذه الخطوة لا تفكر فيها إذا أنت عندك مشكلة في مكانة الأكل عشان ما تتعب عمرك

في النهاية خذ وقتك لا تربط النحف بتاريخ معين. وفي حال فشلت عادي أرجع حاول مره ثانية وثالثة ورابعة لازم تعرف من البداية إن في احتمال تفشل خلك جاهز للفشل عشان تقدر تحاول مره ثانية، بتستغرب من هذا الكلام ولكن فعليا أغلب اللي يحاولون ينحفون مجرد ما يفشل مرة عقله يقتنع بالفشل ويختار الهزيمة لازم تستعد للفشل عشان تحاربه وتحقق النجاح.

شارك هذا المقال مع أي شخص ودك تغير نظام حياته 🤓