أسلوب الحياة

ولادة الرياض من جديد

Avatar
بواسطة

سكان الرياض حياتهم في الوقت الحالي صعبة وكلها عقبات نتكلم بشكل حرفي طبعًا، الحفريات تنتشر في جهات الرياض الأربعة وهذا الشيء بحد ذاته قادر يسبب زحمة كبيرة ولكن أهل الرياض يواجهون مشاكل ثانية تخلي حياتهم صعبة وفي هذا المقال بنذكر الصعوبات وأسبابها.

ولادة الرياض من جديد

طالما قلنا حفريات لازم نبدأ فيها ونوضح نقطة مهمة، الصبات المنتشرة في كل مكان لها سبب الرياض في النهاية هي عاصمة السعودية ووجهة لكثير من سكان المملكة عشان كذا الشوارع لازم تكون مصممة بأفضل طريقة ممكنة، وفي بعض الشوارع قاعدة تتحول من شارع عادي إلى شارع مستدام وفيه معايير الأنسنة وهذا الشيء بيخدم كل من يعيش في الرياض في المستقبل القريب عشان كذا لازم نصبر على رياضنا الحبيبة.

ننتقل لنقطة مهمة وهي المشاريع والمباني الجديدة، هذا النوع من العقبات مشكلته أنه يطول شوي ولكن النتيجة غالبًا تكون ممتازة، في يوم من الأيام الرياض بتستضيف فعاليات مهمة مثل:

  • كأس الأمم الآسيوية في عام 2027
  • أكسبو الرياض 2030
  • الألعاب الآسيوية 2034
  • واحتمال كبير نفوز باستضافة كأس العالم في عام 2034

كل هذه الفعاليات وغيرها الكثير بتدخل الرياض في مرحلة صيانة وتجديد ضخمة وهذا الموضوع طبيعي جدًا نفس الولادة.

تعبير الولادة البشرية يمثل الرياض في الوقت الحالي لازم نصبر وننتظر ولادة رياض جديدة من رياضنا القديمة، ولما تكلمت عن الصبر كنت أقصد الكل، كلنا لازم نصبر خصوصاً مدراء الشركات وموظفين الـHR لازم تقدرون وضع موظفينكم إذا تأخر في يوم من الأيام، ما تدرون كم صبة ومشروع جديد قابل في الطريق.

 

Post Views: 224
التسوق
إقرأ المزيد
المزيد مثل هذا

Support Lovin

Loyal Lovin readers can support Lovin so we can continue to share the stories of all amazing cities

Minimum custom amount to enter is AED 2

By donating, you agree to the Privacy Policy and Terms of Service