أرهب 5 وجهات برية بالرياض 2026

أرهب 5 وجهات برية بالرياض 2026

مع دخول موسم الشتاء والبراد اللي يرد الروح، كلنا صرنا ندور الملاذ المثالي عشان نعيش الأجواء الطبيعية وسواء كنت من محبي الأجواء الهادية ، أو تدور على أكشن ومغامرة فوق الطعوس، الرياض دايم عندها أماكن خيالية تناسب جوّك.

1-حافة نهاية العالم

المكان عبارة عن منحدرات صخرية عالية تطل على وادي سحيق، المنظر من فوق خيالي خصوصاً وقت الغروب, الطريق وعر جداً! لا تروح إلا بموتر “دبل” وجيب معاك موية وأكل لأن ما فيه خدمات حولك وتأكد إن المكان مفتوح قبل تمسك الخط.

موصى به

جاكم الفرج يا أهل غرب الرياضمخابز تستحق الزيارة بالرياضالوصول للقدية صار أسهل

الموقع: شعيب حريملاء (نهاية جبال طويق)

@varietyvideo1 #saudiarabia🇸🇦 #riyadh #edgeoftheworld #نهايه_العالم #طويق ♬ sonido original – Luis Zamora

2-روضة التنهاة

يسمونها “روضة الملوك” و اللي يميزها إنها تجمع لك رمال الدهناء الحمراء مع خضرة الأشجار والزهور وقت الربيع وساعة صدر، ومكان يشرح الخاطر

الموقع: شمال شرق الرياض (قريبة من الصمان)

@karnrsa روضة التنهاة لوحةٌ من جمالٍ متنوعٍ وآسر؛ تزخرُ أرضها بالطلح والسدر وبساطٍ أخضرَ أخاذ #محمية_الملك_عبدالعزيز_الملكية ♬ الصوت الأصلي – محمية الملك عبدالعزيز الملكية

3-روضة الخرارة (بحيرة الصحراء)

تخيل بحيرة وسط الطعوس؟ هذا اللي بتلقاه في الخرارة بعد المطر! المكان هذا هو الوجهة الأولى للشباب ومحبي التطعيس والمغامرات و إذا معك عائلة وتبي الهدوء، ابعد عن أماكن تجمع السيارات والدبابات, ولا يفوتك منظر غروب الشمس وانعكاسه على البحيرة (إذا كانت مليانة).

الموقع: المزاحمية (غرب الرياض)

روضة الخرارة pic.twitter.com/kfnXXt92lC

— almatar (@hmoooh) October 17, 2025

4-روضة خريم

 تعتبر محمية طبيعية ومكان مثالي للعوائل اللي يبون يروقون بعيد عن إزعاج الدبابات

الموقع: شمال شرق الرياض (قريبة من غيلانة)

@b_889999 #روضة_خريم #كشته #كشتة #كشتات #مطاعم_الرياض #الرياض #وادي_الرمه #روضة_التنهات ♬ الصوت الأصلي – أبومشعل العسيري

5-روضة نورة 

تتميز بكثافة الغطاء النباتي وتصير جنة خضراء تفوح منها ريحة النفل والخزامى وقت الربيع

الموقع: شمال الرياض (شمال محافظة ثادق)

@almatar_almatar ‏⁧‫#شاهد‬⁩ ‏روضة نورة ‏١٤٤٦/٦/٥هـ ‏ثادق ‏ربيع محدود في الجهة ‏الجنوبية الشرقية ‏⁧‫#روضة_نورة‬⁩ ‏⁧‫#ثادق‬⁩ ‏⁧‫#الرياض‬⁩ ⁧‫#المملكة_العربية_السعودية ♬ الصوت الأصلي – almatar

في النهاية… الشتاء ماينتظر أحد

يا جماعة، شتاء الرياض وقته “ذهبي” وقصير، فلا تضيع الويكند في البيت والمكيف سواء اخترت مغامرة “حافة العالم” أو روقان “روضة خريم”، الأهم إنك تطلع وتغير جو وتصنع ذكريات حلوة مع اللي تحبهم.