تجارب لا تفوتك في معرض الكتاب

في هذه القائمة بشارك معاكم بعض التجارب الجميلة والمثرية اللي تستحق منك تجربتها خلال معرض الرياض الدولي للكتاب تجارب تقدر تعيشها وتستمتع فيها

أبرز الأحداث الثقافية لليوم الخامس لـ #معرض_الرياض_الدولي_للكتاب_2024
في هذا التقرير@_Turkialsh pic.twitter.com/XwPppRDi0b

— الثقافية (@thaqafeyah) September 30, 2024

موصى به

تجارب لا تفوتك في معرض الكتابأصغر كاتب روائي بمعرض الكتابمبادرة متطوعين الرياض الخضراء في اليوم الوطني

مرايا الثقافية

مرايا الثقافية هي عبارة ممر زجاجي يعكس في مراياه أشكال من الموروث الثقافي بداية من الأبل وجبال عسير وصولًا للعرضة والرقصات الشعبية وغيرها الكثير، رحلة إستثنائية تستحق التجربة فالمرايات والصوت اللي يخرج من كل جهة بياخذك في رحلة بعيدة.

تجربة إذاعية

وفي نفس مربع القناة الثقافية تقدر تجرب صوتك وتعرف إذا تنفع تكون مقدم صوتي ولا لا بحيث راح يكون قدامك العديد من النصوص منها الإخبارية والتقارير وفيها الشعر والقصص القصيرة وأنت تختار فيما بينها وفي حالة كنت مبدع راح تتواصل معك الأكاديمية الثقافية لتطوير مهاراتك الصوتية ومره وحدة تقدر تعرف عن نفسك شي جديد.

صورة للذكرى

وتتيح لك الثقافية ايضًا إمكانية اخذ صورة وطباعتها فوريًا لتصبح ذكرى جميلة لك لا تنسى في معرض الكتاب.

جناح الطفل

والتجارب ماهي فقط للكبار، للأطفال نصيبهم بعد، تقدر تنزل أطفالك في منطقة خاصة فيهم يلعبون ويقضون وقتهم مقابل رسوم فيما أنت تتفرغ للكتب ولا تخاف عليهم لأن الكاميرات في كل مكان والمدينة مغلقة وإذا دخلت طفلك راح تكون أنت الوحيد اللي يقدر يطلعه.

 الكتب الأثرية

وفي جناح وزارة الثقافة القطرية تقدر تشوف وتتعرف على بعض الكتب التاريخية والأثرية اللي تملكها دولة قطر فمنها ما يزيد عمره عن 300 عام ومنها أكثر وبعضها هي النسخ الأصلية من الكتاب هذا غير بعض التحف الأثرية اللي جايبينها من قطر للمتحف.

علمونا وش يعجبكم من التجارب وإذا فيه شي ما ذكرناه تقدرون تشاركونا اياه على هاشتاق #Lovinsaudi 💚